Thein Sein, forseti Myanmar (áður Búrma), hefur sagst munu tryggja hnökralaus valdaskipti í landinu, eftir að flokkur Aung San Suu Kyi hlaut mikinn meirihluta atkvæða í fyrstu frjálsu kosningunum í landinu í meira en hálfa öld.

Herstjórnir og stjórnir hliðhollar hernum hafa ráðið í landinu síðustu áratugi og hefur Suu Kyi þurft að dúsa í fangelsi árum saman vegna andstöðu sinnar við herstjórnina.

Flokkur hennar, Þjóðhreyfing fyrir lýðræði, hefur þega hlotið 80% þingsæta í boði þegar aðeins fárra niðurstaðna er beðið enn. Til þess að hljóta hreinan meirihluta í þinginu þar í landi þarf meira en tvo þriðju þingsæta þar sem herinn á tilkall til fjórðungs þingsæta í báðum deildum. Talsmenn hersins hafa einnig gefið út að þeir muni lúta niðurstöðum kosninganna.

Herinn enn valdamikill

Þingið í Myanmar kýs forseta og varaforseta landsins en Suu Kyu mun ekki geta setið í stóli forseta sjálf þar sem að í stjórnarskrá Myanmar er ákvæði þar sem tekið er fyrir að einstaklingar sem eigi erlenda maka eða erlend börn gegni embættinu. Almennt er litið svo á að ákvæðið hafi verið sérsniðið til höfuðs Suu Kyi en hún hefur sagst munu stjórna samt sem áður, þó hún verði ekki formlega forseti.

Herinn í Myanmar hefur neitunarvald yfir öllum stjórnarskrárbreytingum auk þess að stjórna lykilembættum í landinu svo Suu Kyi mun þurfa að vinna með herforingjum landsins enn um sinn.

Aung San Suu Kyi flytur ræðu eftir kosningarnar. AFP

Tengdar fréttir

Stjórnarskipti í Búrma

Hóta að beita refsiaðgerðum

• Kjörinn forseti Búrma
• Sögulegir tímar í Búrma
• Munu geta valið forsetann
• Flokkur Aung San Suu Kyi með 70%

» Fleiri tengdar fréttir

• Blogga um frétt