Tíu kíló af sprengiefni voru bakpoka eða vesti í rútu sem lífverðir forseta Túnis ferðuðust með í gær. Flestir mannanna létust þegar sprengjan sprakk. Ekki hefur verið gefið upp hvort um sjálfsvígsárás var að ræða.
Lík mannanna voru afar illa farin og var notast við fingraför þeirra til að bera kennsl á þá. Neyðarstandi var lýst yfir í landinu í kjölfar sprengingarinnar og útgöngubanni í höfuðborginni. Um tuttugu manns særðust í árásinni en sprengjan sprakk þegar rútan ók um Mohamed V Avenue, rétt hjá þeim stað þar sem stór kvikmyndahátíð stendur yfir.
Neyðarástandið gildir í þrjátíu daga og útgöngubann er í gildi frá klukkan 9 á kvöldin til fimm á morgnana.
Frétt mbl.is: Neyðarástandi lýst yfir í Túnis