Tæpur helmingur Skota vill ekki nýtt þjóðaratkvæði um veru Skotlands í breska konungdæminu komi til þess að samþykkt verði í þjóðaratkvæðagreiðslu í sumar að Bretland segi skilið við Evrópusambandið ef marka má niðurstöður nýrrar skoðanakönnunar fyrirtækisins ICM.

Fram kemur á fréttavef dagblaðsins The Scotsman að 48% séu þessarar skoðunar en nokkru færri, eða 44%, vilji þjóðaratkvæði um sjálfstæði frá Bretlandi við þær aðstæður. Því var hafnað að Skotland yrði sjálfstætt í þjóðaratkvæðagreiðslu sem fram fór 2013.

Miklar umræður hafa verið um það í Bretlandi að Skotar gætu sagt skilið við breska konungdæmið ef niðurstaða þjóðaratkvæðisins í sumar verður á þá leið að Bretland yfirgefi Evrópusambandið en meirihluti Skota er hlynntur áframhaldandi veru í sambandinu.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt