Robert Fico, forsætisráðherra Slóvakíu, segir að breskir stjórnmálamenn verði að sætta sig við niðurstöðu þjóðaratkvæðagreiðslunnar 23. júní, þar sem Bretar samþykktu að segja skilið við Evrópusambandið.

„Ég get ekki ímyndað mér að breskir stjórnmálamenn muni fara gegn niðurstöðu þjóðaratkvæðagreiðslunnar,“ sagði hann í sjónvarpsviðtali í Tékklandi í morgun, að því er fram kemur í frétt Reuters.

Slóvakía tók við forsæti Evrópusambandsins af Hollandi um mánaðamótin.

Fico bætti því við að ákvörðun Breta um að yfirgefa sambandið ætti ekki að hafa nein veruleg áhrif á hagkerfi Slóvakíu. „Við erum mjög ánægðir og höfum ekki miklar áhyggjur,“ sagði hann. „Útganga Breta ætti ekki að hafa mikil áhrif á Slóvakíu.“

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: ESB í upplausn eftir Brexit