Jarðskjálfti sem mældist 6,3 stig varð í norðurhluta Ekvador í gærkvöldi. Skjálftinn varð á sama svæði og sá sem varð í apríl og skildi eftir sig mikla eyðileggingu og mannfall.

Upptök skjálftans nú voru 42 kílómetra suður af borginni Propicia sem er í nágrenni strandbæjarins Esmeraldas sem varð mjög illa úti í skjálftanum í apríl.

Skjálftinn varð kl. 21.11 að staðartíma, 2.11 í nótt að íslenskum tíma. Skömmu áður hafði minni skjálfti mælst á svæðinu sem þótti vísbending um að von væri á stærri skjálfta. 

Skjálftinn sem varð í apríl var 7,8 stig. Að minnsta kosti 673 létust og yfir 6.000 slösuðust. 

Tengdar fréttir

Jarðskjálfti í Ekvador

Fannst á lífi eftir tvær vikur

• „Núna á þetta fólk ekkert“
• Annar stór skjálfti í Ekvador
• 1.700 manns enn leitað
• Leita enn fólks í húsarústum

» Fleiri tengdar fréttir

• Blogga um frétt