Öldungadeildarþingmaðurinn Bernie Sanders, sem bauð sig fram gegn Hillary Clinton í forkosningum demókrata, sagðist í morgun frekar hafa viljað að Clinton veldi Elizabeth Warren sem varaforsetaefni sitt, en ekki Tim Kaine.

„Ég hef þekkt Tim Kaine í nokkur ár. Hann er mjög gáfaður maður. Hann er mjög góður maður,“ sagði hann í samtali við NBC.

„Hann er íhaldssamari en ég. Hefði ég frekar viljað sjá Clinton velja einhvern eins og Elizabeth Warren? Já, það hefði ég,“ bætti hann.

Warren, líkt og Sanders, höfðar til vinstrisinnaðra demókrata og er Kaine ólíklegur til þess að höfða til stuðningsmanna Sanders.

Til að mynda hefur Kaine stutt fríverslunarsamning á milli Bandaríkjanna og Evrópusambandsins sem Sanders hefur talað mikið gegn.

Kaine er öld­unga­deild­arþingmaður fyr­ir Virg­in­íu en var áður rík­is­stjóri þar og þar áður borg­ar­stjóri Richmond, höfuðborg­ar rík­is­ins.

Ekki var talið líklegt að Clinton veldi Warren, en samband þeirra þykir heldur stirt. Áður en Warren lýsti yfir stuðningi við Clinton hafði hún gagnrýnt hana harðlega fyrir tengsl sín við Wall Street og fjármálageirann.

Sanders says would prefer Elizabeth Warren over Kaine as vice presidential pick https://t.co/OPCvG3gV4V

— Reuters Politics (@ReutersPolitics) July 24, 2016

Öldungadeildarþingkonan Elizabeth Warren. AFP

Tengdar fréttir

Forsetakosningar í Bandaríkjunum 2016

Obama kenndi Clinton um sigur Trump

• Minnka vægi ofurkjörmanna
• Vill rannsókn á kosningabaráttu Clinton
• Samfélagsmiðlar undir smásjá Bandaríkjaþings
• Samþykkir val á Rex Tillerson

» Fleiri tengdar fréttir

• Blogga um frétt