Trump mætir ekki í árlegan kvöldverð

Donald Trump Bandaríkjaforseti.
Donald Trump Bandaríkjaforseti. AFP

Donald Trump Bandaríkjaforseti verður ekki viðstaddur árlegan kvöldverð Samtaka fréttamanna Hvíta hússins. Hefð er fyrir því að forseti Bandaríkjanna mæti í kvöldverðinn þar sem gert er góðlátlegt grín að honum. Auk blaðamanna sem fjalla um Hvíta húsið og Bandaríkjaforseta hefur frægt fólk verið duglegt við að mæta á samkomuna.

„Ég verð ekki viðstaddur kvöldverð Samtaka fréttamanna Hvíta hússins þetta árið. Ég óska öllum velfarnaðar og vonandi munið þið skemmta ykkur vel!“ tísti Trump.

Stutt er síðan hann gagnrýndi fjölmiðla harðlega og kallaði þá „óvini fólksins“.

Stutt er síðan Hvíta húsið meinaði þó nokkr­um banda­rísk­um fjöl­miðlum aðgang að dag­leg­um blaðamanna­fundi og var rík­is­stjórn Trump fyr­ir vikið ásökuð um að vilja hafa aðeins í kring­um sig þá fjöl­miðla sem hugn­ast henni.

Bæði CNN og New York Times gagnrýndu ákvörðun Hvíta húss­ins harðlega.

mbl.is

Bloggað um fréttina

Fleira áhugavert
Fleira áhugavert