Antonio Guterres, aðalritari Sameinuðu þjóðanna, hefur fordæmt árásina í Svíþjóð þegar vöruflutningabíl var ekið inn í mannfjölda.
„Við fordæmum ofbeldisfullu árásina í Stokkhólmi í dag,“ sagði hann í yfirlýsingu.
Hann vottaði fórnarlömbunum samúð sína og bætti við að Sameinuðu þjóðirnar standi með Svíþjóð.
„Við vonum að þeir sem bera ábyrgð á árásinni verði handsamaðir fljótt.“
Vladimir Pútín, forseti Rússlands, hefur einnig sent samúðarkveðjur til Karls Gústafs Svíakonungs vegna árásarinnar.
„Í okkar landi hefur fólk reynslu af voðaverkum alþjóðlegrar hryðjuverkastarfsemi. Á þessum erfiðu tímum syrgja Rússar með almenningi í Svíþjóð,“ sagði Pútín.
Boris Johnson, utanríkisráðherra Bretlands, sagðist á Twitter vera miður sín vegna árásarinnar og votttaði fórnarlömbunum samúð sína.
Deeply concerned by shocking incident in #Stockholm. Britain’s thoughts are with the victims, their families and the whole of #Sweden
— Boris Johnson (@BorisJohnson) April 7, 2017
Stefan Lofven, forsætisráðherra Svíþjóðar, sagði fyrr í dag að allt bendi til þess að um hryðjuverkaárás hafi verið að ræða.