Fæddist í 42 þúsund feta hæð

Flugfreyjur tóku nýverið á móti stúlkubarni í 42 þúsund feta hæð og heilsast móður og barni vel. Móðirin sem var gengin 28 vikur fann fyrir verkjum fljótlega eftir flugtak og var barnið komið í heiminn stuttu síðar. BBC greinir frá. 

Barnið fæddist um borð í Boeing 737-farþegaþotu flugfélagsins Turkish Airlines á leið frá höfuðborginni Conakry í Gíneu til borgarinnar Ouagadougou í Burkina Faso. 

Við lendingu voru móðir og barn flutt á spítala í Burkina Faso. Barnið hefur þegar fengið nafnið Kadiju. 

Barnið fæddist um borð í flugi á leið frá Gíneu til Burkina Faso. Google

• Blogga um frétt