Bandaríkjamaður handtekinn í N-Kóreu
Setja bókamerki
Bandarískur ríkisborgari hefur verið handtekinn í Norður-Kóreu eftir að hann reyndi að yfirgefa landið. Þetta kemur fram í suðurkóreskum fjölmiðlum.
Hann er þriðji Bandaríkjamaðurinn sem er handtekinn í Norður-Kóreu á tiltölulega skömmum tíma. Einn var dæmdur fyrir njósnir og annar fyrir að hafa stolið skilti af hóteli.
Mikil spenna er í samskiptum Bandaríkjanna og Norður-Kóreu og hefur vesturveldið greint frá því að þolinmæði þess gagnvart kjarnorkuvopnaáætlun norðurkóreskra stjórnvalda sé á þrotum.
Maðurinn sem var handtekinn er á sextugsaldri og heitir Kim, er fyrrverandi prófessor við Yanbian-háskólann í Kína. Hann hafði verið í Norður-Kóreu í einn mánuð í tengslum við hjálparstarf, að því er BBC greindi frá.
Hann var handtekinn á alþjóðaflugvellinum í Pyongyang.
Í janúar í fyrra var bandaríski neminn Otto Warmbier handtekinn fyrir að stela áróðursskilti frá hóteli er hann heimsótti Norður-Kóreu. Hann var dæmdur í fimmtán ára þrælkunarbúðir fyrir glæpi gegn ríkinu.
Í apríl í fyrra var Kim Gong-chul, bandarískur ríkisborgari sem fæddist í Suður-Kóreu, dæmdur í tíu ára þrælkunarbúðir fyrir njósnir.
Önnur stunguárás í Sydney
„Ferðalagið er rétt að byrja“
Íranar hafi vísvitandi gætt hófs
Ekki orðinn þreyttur á vöfflukaffi
„Hernaðaraðgerðinni er ekki lokið“
/frimg/1/48/46/1484659.jpg)
Ráðuneytisstjórar hafa stólaskipti
Trump mætir fyrir dóm í fyrsta sakamálinu