Marine Le Pen tilkynnti í dag að hún ætlaði að hætta sem leiðtogi frönsku Þjóðfylkingarinnar en hún komst í aðra umferð forsetakosninganna í Frakklandi í gær. Síðari umferð kosninganna fer fram 7. maí á milli hennar og miðjumannsins Emmanuel Macron.

Fram kemur á fréttavef breska ríkisútvarpsins BBC að ekki liggi fyrir hvort ákvörðun Le Pen sé varanleg en haft er eftir henni að með ákvörðun sinni vilji hún fjarlægja sig umræðum um stjórnmálaflokka. Ummælin lét hún falla á franskri sjónvarpsstöð. Le Pen sagði ennfremur að franska þjóðin stæði frammi fyrir mikilvægri ákvörðun.

Le Pen tók við af föður sínum sem leiðtogi Þjóðfylkingarinnar í janúar 2011. Flokkurinn berst einkum fyrir harðri innflytjendastefnu.

Tengdar fréttir

Forsetakosningar í Frakklandi 2017

Grunaður um að reyna að múta dómara

• Háar fjárhæðir í förðun forsetans
• Hamon segir sig úr Sósíalistaflokknum
• Macron og Pútín skiptust á skoðunum
• Voru með leynilega áætlun gegn Le Pen

» Fleiri tengdar fréttir

• Blogga um frétt