Tveir blaðamenn létust í Mósúl
Setja bókamerki
Tveir fréttamenn létust þegar jarðsprengja sprakk í borginni Mósúl í Írak í gær. Annar var franskur ríkisborgari og hinn íraskur. Harðir bardagar hafa geisað í og við Mósúl síðustu daga í tilraunum íraskra hersveita til að ná aftur hluta borgarinnar þar sem hið svonefnda Ríki íslams hefur ráðið lögum og lofum. BBC greinir frá.
Stephan Villeneuve myndatökumaður og Bakhtiyar Haddad, aðstoðarmaður hans, voru að taka upp fréttefni af bardaganum fyrir frönsku sjónvarpsstöðina 2 TV þegar þeir létust. Í sömu árás slösuðust tveir aðrir franskir blaðamenn og annar þeirra alvarlega.
Írak er efst á lista yfir þau lönd í heimi þar sem hættulegast er fyrir blaða- og fréttamenn að starfa. Frá árinu 2014 hafa 27 blaðamenn, bæði menntaðir og ómenntaðir, verið myrtir í Írak samkvæmt upplýsingum frá samtökum Blaðamanna án landamæra (RSF).
Gengur hægt en örugglega
Sókn sérsveita hersins og lögreglunnar inn í borgina Mósúl hefur gengið hægt en örugglega, að sögn Abdulghani al-Assadi, yfirmanns hersveitanna, við AFP-fréttaveituna. Þeir nálgast borgina úr suðri og norðri. Þegar hafa hersveitirnar náð sjúkrahúsi í norðurhluta borgarinnar á sitt vald.
„Við stöndum frami fyrir mörgum hindrunum. Landsvæðið sjálft, vegirnir og fjöldi íbúanna í borginni hægja á starfinu og setja okkur skorður,“ segir al-Assadi.
Um 400 almennir borgarar höfðu náð að komast út úr elsta hluta borgarinnar á mánudaginn. Hins vegar er talið að um 100 þúsund almennum borgurum sé haldið föngnum úti á götum borgarinnar á meðan liðsmenn Ríkis íslams verjast af krafti gegn íraska hernum.
Handteknir eftir myndatöku í Vesturbæjarlaug
Eyjafjarðarbraut lokað vegna alvarlegs umferðarslyss
Vona að Orkustofnun veiti ekki virkjunarleyfi
Handtekin eftir að tvö börn fundust látin
„Okkur miðar í rétta átt“
„Skýr skilaboð til Seðlabankans“
„Hvílir mikil leynd yfir þessu öllu“
Vélsleðaslys: Þyrlan kölluð út á mesta forgangi