Lést vegna fjöláverka

Samkoma var haldin fyrir utan Finsbury Park-moskuna í fyrradag, skammt …
Samkoma var haldin fyrir utan Finsbury Park-moskuna í fyrradag, skammt frá þeim stað þar sem árásin var framin. AFP

Karlmaður sem lést er maður ók viljandi á hóp múslima skammt frá mosku í London lést vegna fjölda áverka sem hann hlaut að því er fram kemur í krufningarskýrslu.

Í fyrstu var ekki ljóst hvert banamein hans var. Þegar árásarmaðurinn ók að hópnum var verið að stumra yfir Makram Ali sem hafði fallið í yfirlið fyrir utan moskuna. 

Ali var 51 árs, fjögurra barna faðir. Hann lést á vettvangi.

Níu særðust í árásinni.

Árásarmaðurinn ók sendibíl upp á gangstétt og á fólkið sem þar var saman komið. Vegfarendur náðu að handsama hann og halda þar til lögregla kom á vettvang.

Lögreglan rannsakar nú málið sem hryðjuverk. 

Frétt Sky um málið.

 

mbl.is
Fleira áhugavert
Fleira áhugavert