Ríki íslam nær landsvæðum til baka
Setja bókamerki
Hið svokallaða Ríki íslams hefur náð til baka landsvæði í borginni Raqqa í Sýrlandi. Sýrlenska lýðræðissveitin og bandamenn höfðu náð yfirráðum í Al-Senaa hverfinu en hafa nú misst svæðið til hryðjuverkasamtakanna.
Vígamenn hryðjuverkasamtakanna réðust að sýrlensku sveitinni með sjálfsmorðsárásum og vopnuðum drónum. Einnig notuðu þeir undirgöng í árásum sínum. Al-Senaa hverfið er það næsta sem andstæðingar hryðjuverkasamtakanna hafa komist að miðborg Raqqa.
Hópur vígamanna, sem dulbúnir voru sem hermenn Sýrlensku lýðræðissveitarinnar, sprengdi meðal annars þrjár bílsprengjur í miðju hverfisins. Sýrlenska sveitin og bandamenn hennar hafa nú hörfað frá svæðinu og komið sér upp varnarstöðu í nærliggjandi hverfi.
Sameinuðu þjóðirnar áætla að um 100.000 óbreyttir borgarar séu enn í Raqqa og hafa vígamenn verið sakaðir um að nota þá sem mannlega skildi í baráttunni um borgina. Raqqa hefur verið eitt helsta vígi hryðjuverkasamtakanna til þessa.
Myndir: Reynir við heimsmet í Hlíðarfjalli í dag
Hönnun sem bætir líf manna
Beint frá Kína
Átta morðmál á aðeins tólf mánuðum
Bifreið ekið á skrifstofu Útlendingastofnunar
„Skýr skilaboð til Seðlabankans“
Fara ekki lengur fram á einangrun yfir Davíð
Fiskikóngurinn: „Mér fannst sárt að heyra það“