Erlendir sérfræðingar fá að meðhöndla Liu

Erlendum krabbameinssérfræðingum verður heimilað að koma til Kína og veita Liu Xiaobo, sem hlaut friðarverðlaun Nóbels árið 2010, meðferð. AFP-fréttastofan greindi frá þessu og segist sjúkrahúsið þar sem Liu sætir nú meðferð við lifrarkrabbameini hafa ákveðið að bjóða sérfræðingum frá Bandaríkjunum, Þýskalandi og víðar að að meðhöndla Liu.

Kín­versk yf­ir­völd hafa áður verið gagnrýnd fyrir meðferð sína á Liu. Hann var dæmdur í 11 ára fang­elsi árið 2009 fyr­ir and­óf og skrif sín gegn mann­rétt­inda­brot­um stjórn­valda í Kína, en var látinn laus úr haldi vegna veik­inda fyrir rúmum mánuði.

Frétt af mbl.is

Tekist á um Liu

Kínversk yfirvöld höfðu áður sagt Liu vera undir eftirliti færustu krabbameinslækna Shenyang-héraðs, en fjölskylda hans hafði óskað eftir aðstoð erlendra sérfræðinga og segja yfirvöld í héraðinu að verið sé að bregðast við þeirri ósk.

• Blogga um frétt