Jarðarför 22 árum síðar
Setja bókamerki
Þúsund manns komu saman til að minnast fórnarlamba þjóðarmorðanna í Srebrenica árið 1995 þegar um átta þúsund múslímar voru myrtir. Jarðneskar leifar 71 fórnarlambs voru bornar til grafar í kirkjugarðinum Potocari sem er nálægt Srebrenica. Þetta var í fyrsta skipti sem fjölskylda og ættingjar fengu tækifæri til að kveðja ástvini sína með formlegum hætti.
Á meðal þeirra sem voru borin til grafar var 33 ára gömul kona og sjö einstaklingar sem voru yngri en 18 ára þegar þeir voru myrtir.
Adela Efendic fylgdi föður sínum til grafar í dag. Hún sagði gott að geta „loksins kvatt“ föður sinn sem var 35 ára gamall þegar hann var myrtur. Hún var sjálf 20 daga gömul þegar þjóðarmorðin áttu sér stað. Fyrir níu árum fannst hluti af líkamsleifum föður hennar í fjöldagröf. Fjölskylda hans hélt í vonina að fleiri líkamshlutar myndu finnast en sú varð ekki raunin. „Við ákváðum því að jarða hann núna svo hann gæti fundið frið,“ sagði Efendic.
13. júlí 1995 réðust hersveitir Bosníu-Serba gegn léttvopnuðum hollenskum friðargæsluliðum sem reyndu af veikum mætti að verja þúsundir flóttamanna sem höfðu flúið inn í herstöð þeirra. Enda töldu þeir að herstöð Sameinuðu þjóðanna væri öruggt skjól.
Í síðasta mánuði dæmdi hollenskur áfrýjunardómstóll hollenska ríkið ábyrgt að hluta vegna dauða 350 múslíma þegar þjóðarmorðin voru framin í Srebrenica árið 1995. Ríkinu er gert að greiða hluta af skaðabótum til fórnarlambanna.
Búið að bólusetja börn alla helgina
Lögreglan ekki tekið afstöðu til kærunnar
Baldur: „Ég ætla að svara þessu kalli“
Réttlátara kerfi: Flestir fá 30 þúsund eða meira
Íslendingar ein einmanalegasta þjóð í heimi
Biðst afsökunar með heilsíðuauglýsingu