Sanders verður talsmaður Hvíta hússins
Setja bókamerki
Sarah Huckabee Sanders hefur verið ráðin í starf fjölmiðlafulltrúa Hvíta hússins í kjölfar uppsagnar Sean Spicer. Anthony Scaramucci, nýráðinn samskiptastjóri Hvíta hússins, tilkynnti blaðamönnum þetta nú fyrir skömmu.
Spicer sagði upp fyrr í dag vegna óánægju með þá ákvörðun Donalds Trumps Bandaríkjaforseta að ráða Scaramucci, fjárfesti og stuðningsmann sinn til langs tíma, í starf samskiptastjóra.
Í stuttri yfirlýsingu sem Sanders las upp fyrir blaðamennina, segir Trump: „Við höfum afrekað svo mikið en fengið viðurkenningu fyrir svo lítið.“
Sanders hefur fram til þessa starfað fyrir samskiptadeild Hvíta hússins og hefur sjálf haldið blaðamannafundi í fjarveru Spicer. Þá er hún dóttir Mike Huckabee, fyrrverandi ríkisstjóra Arkansas og forsetaframbjóðanda.
Almannavarnir auka viðbúnað
Nauðgaði kærustu sinni og tók það upp
Myndskeið: Segjast hafa skotið niður sprengjuflugvél
Segjast hafa skotið niður langdræga sprengjuvél
Gerir ráð fyrir 150 samningum í næstu viku
„Búið að vera í dreifingu í einhvern tíma“
Mun fara sparlega með málskotsréttinn