Enn eitt eldflaugaskot Norður-Kóreu
Ríkisfréttastofa Norður-Kóreu birti þessa mynd fyrr í mánuðinum og sagði hana sýna langdræga eldflaug sem skotið var á loft 4. júlí sl.
AFP
Setja bókamerki
Fjölmiðlar í Japan og Suður-Kóreu segja stjórnvöld í Norður-Kóreu hafa framkvæmt enn eina eldflaugatilraunina. Flaugin virðist hafa komið niður á japönsku hafsvæði, samkvæmt ríkisfréttastofunni NHK.
Bandaríkjamenn hafa einnig staðfest að hafa orðið skotsins varir.
Fyrr í mánuðinum héldu ráðamenn í Pyongyang því fram að hernum hefði tekist að skjóta á loft langdrægri eldflaug í fyrsta sinn. Um var að ræða síðasta eldflaugaskotið af mörgum, sem stjórnvöld í Norður-Kóreu hafa staðið að í trássi við bann Sameinuðu þjóðanna.
Ekki liggur fyrir hversu langt flaugin sem skotið var á loft í dag fór.
Drægni langdrægra eldflauga Norður-Kóreu er umdeild en sumir sérfræðingar segja þær mögulega geta náð Alaska.
BBC og AFP sögðu frá.
Þrjú og hálft ár fyrir skotárás í Úlfarsárdal
Innviðir þandir og álagið „gríðarlegt“
Kvikan virðist nú skiptast til helminga
Aukin tíðni þungunarrofa hjá yngsta aldurshópnum
Benda á Samgöngustofu sem bendir út í heim
Starfsfólk gæti fengið reikning frá Skattinum