Malcom Turnbull, forsætisráðherra Ástralíu, gerir lítið úr frekar niðrandi samtali hans við Donald Trump, forseta Bandaríkjanna, um umdeilda skiptingu á móttöku flóttamanna, sem var gert opinbert með útskrift af símtali forsætisráðherrans og forsetans í gær. Það var Washington Post sem birti útskrift samtalsins, ásamt samtali Trump við forseta Mexíkó. Samtölin áttu sér stað í janúar á þessu ári.
Turnbull og Barack Obama, forveri Trump, höfðu gert með sér samning móttöku flóttamanna. Bandaríkin höfðu til að mynda samþykkt að taka við flóttamönnum úr flóttamannabúðum á Kyrrahafseyjunum en Trump sagði samninginn fáránlegan. Þetta kom fram afriti samtalsins.
Þar kom einnig fram að ósamræmi var í því sem Turnbull sagði við Trump annars vegar og almenning hins vegar.
Í raun hafi ekki verið um skiptisamning að ræða. „Við tökum við hverjum þeim sem þið viljið að við tökum,“ sagði Turnbull í samtalinu. „Eina fólkið sem við tökum ekki við er fólkið sem kemur á bátum. Við tökum frekar við óaðlaðandi náunga sem réttir hjálparhönd, heldur en Nóbelsverðlauna hafa sem kemur hingað á bát.“
Turnbull sagði eftir að samtalið var birt að það hefði verið hreinskilið og kurteist og varði það sem hann sagði við Trump. Í útskrift samtalsins virtist þó ekki mikill kærleikur á milli þeirra. Enda lauk Trump samtalinu á því að segja að þetta væri versta samtal sem hann hefði átt þann daginn. Hann hefði átt ánægjulegra samtal við Vladimír Pútín Rússlandsforseta.
Turnbull sagði jafnframt að í málefnum flóttamanna væri gagnkvæmur skilningur á milli landanna og þau aðstoðuðu hvort annað. „Við hjálpum Bandaríkjamönnum og þeir hjálpa okkur.“
Turnbull gerði einnig lítið úr þeim ummælum sínum að Bandaríkjamenn gætu tekið á móti eins fáum flóttamönnum og þeir vildu. Jafnvel þó að í samningum væri kveðið á um að löndin ætluðu hjálpast að við að flytja hundruð flóttamenn af Manus eyju í Nýju Gíneu, áður en flóttamannabúðunum yrði lokað í október. Til stóð að ríkin myndi skipta flóttamönnunum á milli sín.
Mannréttindasamtök eins og Amnesty International hafa gagnrýnt það sem fram kemur í samtalinu og segja ástralska forsætisráðherrann vera kasta teningum upp á líf fólks.