Hóta eldflaugaárásum á Guam
Setja bókamerki
Stjórnvöld í Norður-Kóreu segjast vera að íhuga að varpa eldflaugum sínum skammt frá herstöð Bandaríkjanna á eyjunni Guam í Kyrrahafi.
Ríkisfréttastofan KCNA greindi frá þessu.
Hótunin barst nokkrum klukkustundum eftir að Donald Trump Bandaríkjaforseti hótaði því svara Norður-Kóreu með „eldi og brennisteini“ vegna eldflaugatilrauna þeirra.
Trump lét þessi orð falla eftir að dagblaðið The Washington Post greindi frá því að ríkisstjórn Kims Jong-un, leiðtoga Norður-Kóreu, hefði búið til kjarnaodd sem væri nógu lítill til að komast fyrir í einni af eldflaugum þeirra.
Stjórnvöld í höfuðborginni Pyongyang segjast „núna vera að skoða vel og vandlega aðgerðaáætlun sem felur í sér að varpa eldflaugunum Hwasong-12 á svæðin í kringum Guam“, að því er KCNA greindi frá.
Áætlunin verður kláruð „og verður notuð um leið og Kim Jong-un, leiðtogi kjarnorkuherdeildar ríkisins ákveður að það skuli gert“.
Shakespeare fannst í skókassa
„Umsátursástand“
„Það þarf að vinna mikinn fjölda upp“
Gígbarmurinn hækkað frá því í gær
Krefjast stöðvunar framkvæmda
Skiptir miklu meira máli en fólk grunar