Mikil sprenging, sem átti sér stað í Balókistan-héraðinu í Pakistan í kvöld, varð að minnsta kosti 15 manns að bana. Þá eru 32 særðir eftir sprenginguna, en hún varð við biðstöð strætisvagna í borginni Quetta.
Í yfirlýsingu frá pakistanska hernum segir að sprengingin hafi beinst gegn bifreið hersins. Þá hafi nokkrar bifreiðir til viðbótar orðið eldi að bráð í kjölfarið.