Að minnsta kosti 21 barn lést þegar grunnskóli hrundi í höfuðborg Mexíkó í jarðskjálftanum í gær. Alls hafa 248 fundist látnir eftir jarðaskjálftann, þar af 117 í höfuðborginni, segir innanríkisráðherra landsins, Miguel Osorio Chong.

Ráðuneytisstjóri í menntamálaráðuneyti Mexíkó, Javier Trevino, segir að 25 hafi fundist látnir í rústum skólans, 21 barn og fjórir fullorðnir. 30 barna er enn saknað úr skólanum auk átta fullorðinna.

Um tvær milljónir íbúa Mexíkóborgar eru án rafmagns og símalínur eru óvirkar. Yfirvöld hafa beðið fólk upp að reykja ekki á götum úti þar sem óttast er að gasleiðslur hafi laskast í jarðskjálftanum sem mældist 7,1 stig.

Tengdar fréttir

Jarðskjálfti í Mexíkó

Söfnun Þórs/KA hjálpaði sjö fjölskyldum

• Hefur ekki hætt að grafa
• Fundu hund á lífi í rústunum
• Heppin að vera heil á húfi
• Enn einn skjálftinn í Mexíkó

» Fleiri tengdar fréttir

• Blogga um frétt