Fregnir herma að sex séu sagðir slasaðir í Stratford í austurhluta London eftir að eitruðu efni var úðað á þá. Lögregla var kölluð út að Westfield-verslunarmiðstöðinni rétt fyrir klukkan átta í kvöld vegna þessa og hefur einn verið handtekinn, grunaður um að veita fólkinu alvarlega áverka.
Að sögn lögreglunnar í London bárust tilkynningar um að hópur karlmanna hafi úðað eiturefnalausninni á fólkið. Sjúkraflutningamenn og aðrir viðbragðsaðilar hafa jafnframt verið kallaðir á vettvang. BBC greinir frá.
Atburðurinn er ekki talin tengjast hryðjuverkum en að sögn talskonu lögreglunnar hefur verslunarmiðstöðin verið lokuð af.
Uppfært kl. 21:59
Samkvæmt nýjustu fréttum var hlúið að fimm einstaklingum á vettvangi, en ekki sex eins og talið var í fyrstu. Þrír þeirra voru fluttir með sjúkrabíl á sjúkrahús.
Sjónarvottur segir að rifrildi hafi brotist út á meðal hóps fólks á staðnum. Hinn 28 ára gamli Hossen, aðstoðarveitingastjóri á hamborgarastaðnum Burger King, segir eitt fórnarlambanna hafa komið hlaupandi inn á staðinn til að þrífa „sýru“ úr andliti sínu.
„Það voru skurðir í kringum augun hans og hann var að reyna að skola þau með vatni,“ hefur BBC eftir Hossen.
Injuries after noxious substance sprayed in #Stratford https://t.co/qYrkSUiGWy pic.twitter.com/fEhVTVpm05
— Metropolitan Police (@metpoliceuk) September 23, 2017