Frank Jensen, borgarstjóri Kaupmannahafnar, vill banna nýja díselbíla á götum Kaupmannahafnar frá og með 1. janúar 2019 sem hluta af tillögum til að bæta loftgæði í borginni. Politiken greinir frá.
Borgarstjórinn segir það séu ekki sjálfsögð mannréttindi að menga loft annarra og þar af leiðandi þurfi að takmarka díselbíla á götum borgarinnar. Hann játar að tillagan verði líklega umdeild en telur hana nauðsynlega. Þá telur hann að tillagan verði þýðingarmikil fyrir þá borgarbúa sem mengun hefur áhrif á.