Forseti Panama lýsti því yfir eftir að karlalandslið Panama tryggði sér sæti á HM sem fer fram í Rússlandi næsta sumar, að dagurinn í dag yrði framvegis frídagur í landinu.
„Við hlustum á fólkið í landinu... morgundagurinn verður almennur frídagur,“ skrifaði Juan Carlos Varela, forseti Panama, á Twitter eftir að Panama sigraði Kostaríka 2:1 og tryggði sér þar með sæti í lokakeppni HM í fyrsta skipti.
Forsetinn sagði að almennir launþegar, hvort sem þeir störfuðu í opinbera- og einkageiranum, gætu tekið sér frí í dag. Öllum tímum í skólum landsins yrði aflýst í dag.
Decretos firmados, ustedes se lo merecen, Viva la sele, Viva Panama!!!! pic.twitter.com/kmyW7GkWHp
— Juan Carlos Varela (@JC_Varela) October 11, 2017
„Þið eigið þetta skilið,“ skrifaði forsetinn við mynd af sér á Twitter þar sem hann sést skrifa undir tilskipun þess efnis að 11. október verði almennur frídagur.