Ráðgjafi Trumps játar lygar
Setja bókamerki
George Papadopoulos, sem aðstoðaði Donald Trump í kosningabaráttunni í fyrra, hefur viðurkennt að hafa logið að fulltrúum alríkislögreglunnar um möguleg afskipti Rússa að kosningabaráttunni. Þetta kemur fram í dómsgögnum sem gerð voru opinber í dag.
Papadopoulos var ráðgjafi Trumps í utanríkismálum í aðdraganda kosninganna. Hann játaði lygar sínar og að hafa falið tengsl við prófessor sem tengdist ríkisstjórn Rússlands sem bauð óhróður um Hillary Clinton meðan á kosningabaráttunni stóð.
Í ákæru á hendur honum segir að með blekkingum sínum hafi Papadopoulos hindrað rannsókn alríkislögreglunnar á tengslum framboðsins við rússnesk yfirvöld.
Papadopoulos gerði samning við alríkislögregluna í kjölfar játningar sinnar. Samningurinn og ákæran var birt í dag stuttu eftir að fyrrverandi kosningastjóri Trumps, Paul Mafort og viðskiptafélagi hans, Rick Gates, voru ákærðir fyrir svik við Bandaríkin með tengslum sínum við fylgismenn Rússa í Úkraínu. Eru þeir m.a. ákærðir fyrir að hafa skipulagt peningaþvætti.
Íslendingar ein mest einmana þjóð heims
Fara ekki lengur fram á einangrun yfir Davíð
Sáttur við sína stöðu og finnur fyrir meðbyr
Bifreið ekið á skrifstofu Útlendingastofnunar
Mest spennandi kosningar í áratugi
Baldur: „Ég ætla að svara þessu kalli“