Að minnsta kosti átta eru látnir eftir árásina í Manhattan í New York þegar hvítum pallbíl var ekið á gangandi og hjólandi vegfarendur. Tugir til viðbótar eru særðir. Borgarstjóri New York, Bill de Blasio, segir að um hryðjuverk hafi verið að ræða.
Bílnum var einnig ekið á skólarútu. Eftir það steig árásarmaðurinn út úr pallbílnum með loftbyssu og litboltabyssu á lofti og var þá skotinn af lögreglunni. Hann var í framhaldinu handtekinn.
Í ræðu sinni sagði de Blasio að árásarmaðurinn hafi sýnt mikinn heigulshátt með árásinni.
„Þetta er sársaukafullur dagur fyrir borgina okkar. Mikill harmleikur. Miðað við upplýsingarnar sem við höfum var þetta hryðjuverk og þetta var sérlega mikill heigulsháttur,“ sagði de Blasio.
„Beint gegn saklausu fólki, fólki sem lifir sínu hversdagslífi og hafði ekki hugmynd um hvað var í gangi. Miðað við upplýsingarnar sem við höfum hafa átta dáið og tugir hafa særst.“
Mayor Bill de Blasio says the incident in New York was "a particularly cowardly act of terror" that killed at least eight people pic.twitter.com/16EGWmjhfi
— Sky News (@SkyNews) October 31, 2017
Donald Trump Bandaríkjaforseti sagði á Twitter-síðu sinni að árásarmaðurinn sé „fársjúk” og „sturluð manneska”.
In NYC, looks like another attack by a very sick and deranged person. Law enforcement is following this closely. NOT IN THE U.S.A.!
— Donald J. Trump (@realDonaldTrump) October 31, 2017
Donald Trump describes New York terror attack suspect as "very sick and deranged person" https://t.co/GucxIbraYB
— BBC Breaking News (@BBCBreaking) October 31, 2017