Nokkrar sjónvarpsstöðvar hafa ákveðið að hætta sýningum á spjallþætti Charlies Rose í kjölfar ásakana kvenna um að hann hafi áreitt þær kynferðislega. Átta konur hafa sakað Rose um ósæmilega hegðun og var frétt um málið birt í The Washington Post. Í yfirlýsingu frá CBS-sjónvarpsstöðinni segir að ásakanirnar séu teknar mjög alvarlega og því hafi verið ákveðið að hætta sýningu þáttanna. Sömu sögu er að segja af viðbrögðum sjónvarpsstöðvanna PBS og Bloomberg. 

Rose hefur beðist afsökunar. Hann hefur ekki sagt að ásakanirnar eigi ekki við rök að styðjast.

Konurnar segja áreitnina hafa átt sér stað allt frá tíunda áratug síðustu aldar og til ársins 2011. Tvær þeirra sem unnu með Rose segja hann hafa gengið um nakinn fyrir framan þær.

Rose er 75 ára og hefur verið einn virtasti sjónvarpsmaður Bandaríkjanna lengi. Hann er þekktur fyrir ítarleg viðtöl sín í þáttum sem hófu göngu sína árið 1991.

Þáttur hans heitir eftir honum og er hann sýndur á nokkrum sjónvarpsstöðvum. 

Frétt BBC um málið.

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt