Sexmenningarnir sem kærðir hafa verið fyrir spillingu og peningaþvætti í tengslum við Samherjaskjölin verða í varðhaldi til 20. febrúar á meðan rannsókn málsins fer fram.

Í dag átti dómstóll í höfuðborginni Windhoek að taka fyrir kröfu sexmenninganna um að verða leystir úr haldi gegn tryggingu, en lögmenn þeirra féllu frá kröfunni, án útskýringa, og verða mennirnir því í varðhaldi til 20. febrúar. Namibískir fréttamiðlar greinar frá þessu.

Frétt af mbl.is

Mótmælt fyrir utan dómshúsið í Windhoek

Tug­ir mót­mæl­enda komu saman fyrir utan dómhúsið í Windhoek um hádegisbil og kröfðust þess að sex­menn­ing­arn­ir, sem grunaðir eru um pen­ingaþvætti, mút­ur og fleira í tengsl­um við Sam­herja­skjöl­in, yrðu ekki látn­ir laus­ir gegn trygg­ingu. Mótmælendunum hefur þannig orðið að ósk sinni. 

Namib­íski fjöl­miðill­inn The Nami­bi­an fjall­ar um kær­urn­ar á hend­ur sex­menn­ing­un­um í dag, en Bern­h­ard Esau og Sacky Shang­hala, fyrr­ver­andi ráðherra í rík­is­stjórn lands­ins eru á meðal þeirra grunuðu. Hinir eru „há­karl­arn­ir“ og frænd­urn­ir James og Taw­son „Fitty“ Hatuikulipi, auk þeirra Ricar­do Gusta­vo og Pius Mwatelu­lo.

Namibísk stjórnvöld hafa þá fyrstu fimmnefndu meðal annars grunaða um að hafa þegið að minnsta kosti 103 milljónir namibískra dollara, jafnvirði 860 milljóna íslenskra króna, í greiðslur fyrir að tryggja félögum tengdum Samherja kvóta í landinu á undanförnum árum.

Tengdar fréttir

Samherji í Namibíu

Vilja skoða tölvu Jóhannesar

• Þúsundir smáskilaboða fundust í tölvu
• Vandar Jóhannesi ekki kveðjurnar
• Óvíst hvort niðurstaðan verður kærð
• Yfirframleiðandinn kominn með stöðu sakbornings

» Fleiri tengdar fréttir

• 1 blogg um fréttina

Bloggað um fréttina

• Baldvin Björgvinsson: Hvernig gengur?