Dreifði fölsuðu myndbandi af Biden
Setja bókamerki
Donald Trump Bandaríkjaforseti, sem hefur sagt forsetaframbjóðanda Demókrata Joe Biden ætla sér að hvetja til ofbeldisfullra glæpa, dreifði fölsuðu myndskeiði á samfélagsmiðlinum Twitter í dag hvar Biden virðist spila rapplag sem inniheldur texta sem er andsnúinn lögreglunni.
Í falsaða myndbandinu, sem má sjá fyrir neðan (myndskeiðið fyrir ofan sýnir við hvaða lag Biden steig nokkur létt spor í raun), sem Twitter merkti síðar sem falsefni (e. manipulated media), stendur Biden í ræðustól, tekur farsímann sinn upp og segir áhorfendunum: „Ég hef bara eitt að segja.“
Hann virðist þá spila mótmælalag hipphoppsveitarinnar N.W.A „Fuck Tha Police“, sem mætti þýða á íslenska tungu sem „Fari lögreglan til fjandans“, og dansa örlítið, brosandi.
Eftir nokkrar sekúndur segir hann: „Ef ég hefði hæfileika einhverra þessara manna væri ég kosinn forseti við mikinn fögnuð.“
Spilaði Despacito, ekki Fuck Da Police
Í færslunni sem hann setur inn með myndbandinu skrifar Trump: „Kína slefar núna.“
Eins og áður segir er myndbandið falsað. Myndbrotið er tekið úr kosningaferð Bidens til Flórída í dag. Þar tók Biden upp símann sinn og spilaði nokkrar sekúndur af lagi Luis Fonsi, „Despacito“, en Fonsi hafði rétt áður kynnt frambjóðandann á svið.
Trump hefur haldið því fram að hann ætli sér að halda Ameríku öruggri frá vinstrisinnuðum múg og er það eitt af hans aðalkosningaloforðum.
/frimg/1/53/8/1530849.jpg)
Fatlaður drengur fær ekki þjónustu í verkfalli
„Höfum sloppið bærilega með skaða af þessu gosi“
Ekki vandamál að vera karlmaður
Sólveig Anna furðar sig á aðferðum kennara
Rússar sagðir útvega N-Kóreu milljón olíutunnur
Pútín reynir allt til að forðast aðra herkvaðningu
Hraun kemur úr þremur gígum: Virknin stöðug
Þarf að koma til móts við ólíkar þarfir lækna
