Volodymyr Zelensky, forseti Úkraínu, segir stjórnvöld í landinu íhuga að slíta á öll diplómatísk samskipti við Rússa eftir að þeir viðurkenndu sjálfstæði tveggja svæða aðskilnaðarsinna í landinu.

„Ég hef fengið beiðni frá utanríkisráðuneytinu um að skoða það að slíta öllum samskiptum á milli Úkraínu og Rússlands,“ sagði Zenesky og bætti við að hann myndi „kanna og vinna í þessu máli“.

Frétt af mbl.is

Úkraínumenn vilja „harðar refsiaðgerðir“

Zelensky hefur einnig krafist þess að hlé verði gert á verkefninu Nord Stream 2. Um er að ræða gasleiðslu sem liggur frá Rússlandi til Þýskalands í gegnum Eystrasalt.

Sömuleiðis hefur hann varað við því að viðurkenning Rússa á sjálfstæði svæðanna sé undanfari frekari hernaðaðgerða af hálfu Rússa.

„Við teljum að með ákvörðuninni vilji Rússar búa til lagalegan grundvöll fyrir frekari hernaðarátök gegn Úkraínu og brjóta þannig gegn öllum alþjóðlegum skyldum sínum,“ sagði hann.

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Finnar börðust tvisvar við Rússa fyrir átta áratugum. "Finlandiseringin."