Alexander Lúkasjenkó, forseti Hvíta-Rússlands, segir að Rússar séu byrjaðir að flytja kjarnavopn til landsins. Svetlana Tsíkanovskaja, leiðtogi stjórnarandstöðunnar í landinu, sem er í útlegð, segir að flutningur vopnanna sé ógn gegn allri Evrópu.

Greint var frá því í mars að Vladimír Pútín, forseti Rússlands, ætlaði að láta flytja kjarnavopn vest­ur yfir landamærin til Hvíta-Rúss­lands. Þá sagðist hann hafa náð sam­komu­lagi við Lúkasjenkó.

„Flutningur kjarnavopna er hafinn,“ tilkynnti Lúkasjenkó í myndvarpsávarpi til þjóðar sinnar. Hann bætir við að það sé mögulegt að vopnin séu þegar komin til landsins.

Frétt af mbl.is

Flytur kjarnavopn til Hvíta-Rússlands

Ógn gegn allri Evrópu

Í kjölfar ávarps Lúkasjenkós birti Tsíkanovskaja færslu á Twitter þar sem hún sagði flutning vopnanna til Hvíta-Rússlands vera ógn gegn Evrópu og Úkraínu.

„Í dag skrifaði hvítrússneska ríkisstjórnin undir samning með Rússlandi sem snýr að flutningi kjarnorkuvopna, Það myndi ekki aðeins stefna lífum hvítrússneskra borgara í hættu, heldur einnig skapa nýja ógn gegn Úkraínu og allri Evrópu,“ skrifar hún á samfélagsmiðilinn.

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Leikur að MAD (GAGA)