Forseti Íslands seldi vel af Neyðarkalli björgunarsveita

Í dag hóf forseti Íslands, Ólafur Ragnar Grímsson, formlega átak Slysavarnafélagsins Landsbjargar „Neyðarkall frá björgunarsveitum“. Forseti seldi lyklakippur með björgunarsveitarkonu til gesta Smáralindar í Kópavogi og er óhætt að segja að það hafi tekist vel þar sem hann seldi töluverðan fjölda.

Fram kemur í tilkynningu að átakið muni standa helgina 3. – 5. nóvember, en þá munu björgunarsveitir og slysavarnadeildir Slysavarnafélagsins Landsbjargar selja lyklakippurnar á fjölförnum stöðum um land allt auk þess sem víða verður gengið í hús.

Hagnaður af sölunni mun renna til björgunarsveita, slysavarnadeilda og Slysavarnafélagsins Landsbjargar og verður hann notaður til að efla og styrkja þjálfun björgunarsveitarmanna landsins.

• 2 blogg um fréttina

Bloggað um fréttina

• Kristján Magnús Arason: Seldust vel...
• Hallfríður Jóna Jónsdóttir: Ég keypti