250 þátttakendur í hlaupi í íslenskri náttúru

Hið árlega Laugavegarhlaup fór fram í gær. Hlaupið í ár var það fjölmennasta frá upphafi og alls voru 250 þátttakendur frá 18 löndum skráðir til leiks.

Hlaupaleiðin er frá Landmannalaugum til Þórsmerkur og er um 55 kílómetrar. Stígur liggur alla leiðina og undirlag á honum er ákaflega fjölbreytilegt, allt frá sandi að snjó.

Endamark hlaupsins í ár var í Húsadal og þar var fagnað með heitu baði, grillveislu og veglegum verðlaunum. Að sögn Svövu Oddnýju Ásgeirsdóttur gekk hlaupið vel.