Fundu 60 grömm af amfetamíni við húsleit

Rúmlega 60 grömm af amfetamíni fundust við húsleit í Háaleitishverfi í gærkvöld, samkvæmt upplýsingum frá lögreglunni á höfuðborgarsvæðinu. 

Karl á fimmtugsaldri var handtekinn vegna rannsóknar málsins en sá hefur áður komið við sögu hjá lögreglu. Húsleitin var framkvæmd að undangengnum dómsúrskurði.

Við aðgerðina í gær, sem er liður í að hamla gegn sölu og dreifingu fíkniefna, naut lögreglan á höfuðborgarsvæðinu aðstoðar fíkniefnaleitarhunds frá tollgæslunni.

• 1 blogg um fréttina

Bloggað um fréttina

• Jakob Falur Kristinsson: Amfetamín