Alls höfðu 5,8% þeirra sem tóku þátt í könnun MMR misst atvinnunna vegna kreppunnar. 12,5% svarenda sögðu að starfshlutfall þeirra hafi verið skert vegna kreppunnar. Samanlagður fjöldi þeirra sem hafa misst vinnuna eða starfshlutfall þeirra verið skert mældist 17,7%.

Þá voru 13,9% sem kváðust óttast að missa vinnuna vegna kreppunnar og 25,3% sögðu að einn eða fleiri fjölskyldumeðlimir hefðu misst vinnuna vegna hennar. 17,8% sögðu að einn eða fleiri starfsfélagar hefðu misst vinnuna vegna kreppunnar og 32,4% sögðu að einn eða fleiri nánir vinir sínir hefðu misst vinnuna vegna hennar. 37,1% sagði að ekkert áðurnefndra atriða ætti 37,1% sagði að ekkert áðurnefndra atriða ætti við sig.

Ef litið er til kyns, aldurs og búsetu sést að kreppan hefur haft nokkuð meiri áhrif á atvinnu karla, þeirra sem yngri eru og þeirra sem búa á höfuðborgarsvæðinu. Sem dæmi má nefna að 7,1% karla segjast hafa misst atvinnuna vegna kreppunnar á móti 4,4% kvenna og 16,7% karla segja að starfshlutfall þeirra hafi verið skert vegna kreppunnar samanborið við 8,2% kvenna.

Hlutfall þeirra sem óttast að missa vinnuna er 15,4% á höfuðborgarsvæðinu borið saman við 11,5% úti á landi. 8,6% yngsta aldurshópsins (18-29 ára) segjast hafa misst vinnuna samanborið við 6,1% þeirra sem eru á aldrinum 30-49 ára og 2,3% þeirra sem eru á aldrinum 50-67 ára. Á bilinu 12-13,3% sögðu að starfshlutfall þeirra hefði verið skert vegna kreppunnar óháð aldri.

Sjá nánar