Glæpasaga Yrsu fær góð meðmæli

Sér grefur gröf eftir Yrsu Sigurðardóttur er í hópi bestu glæpasagna sem breskir lesendur geta sökkt sér í nú um jólin, að mati dagblaðsins Independent. Gagnrýnandi blaðsins, Rebecca Armstrong, segir að Ísland hafi getið sér glæsilegt orð fyrir glæpasögur. Önnur bók Yrsu, Sér grefur gröf sé fyndin, þétt og fullkomin skáldsaga sem gerist á íslensku heilsuhóteli sem reynist heldur varasamt, jafnvel lífshættulegt fyrir suma gestina.

Listi gagnrýnanda Independent yfir bestu glæpasögurnar um þessi jól hefur að geyma alls ellefu titla, þar af þrjá eftir norræna höfunda. Loftkastalinn sem hrundi eftir Stieg Larsson er efstur á blaði en hún mælir einnig með Næturstormi eftir Johan Teorin, auk Yrsu, en Rebecca Armstrong segir að hin norræna glæpasagnabylgja sé síst í rénun.

Sér grefur gröf kom út í Bretlandi í apríl síðastliðnum og hlaut afar lofsamlega dóma.

Grein Rebeccu Armstrong í Independent

• 1 blogg um fréttina

Bloggað um fréttina

• Þórður Magnússon: Efniviðurinn er til staðar