Innlent | mbl | 11.1.2010 | 13:25

Gengu fylktu liði til Nauthólsvíkur

Nemendur og kennarar við HR gengu frá Ofanleiti til Nauthólsvíkur með fána í tilefni dagsins. mbl.is/Heiddi

Kennarar og nemendur við Háskólann í Reykjavík gengu fylktu liði frá Ofanleiti til Nauthólsvíkur þar sem ný skólabygging var tekin formlega í notkun í morgun. Þrjár deildir af fimm fluttu starfsemi sína í nýju bygginguna og hófst kennsla í húsnæðinu kl. 11:10.

Hanna Birna Kristjánsdóttir, borgarstjóri Reykjavíkur, Svafa Grönfeldt, rektor HR, Ari Kristinn Jónsson, verðandi rektor HR og Sunna Magnúsdóttir, formaður Stúdentafélags HR, fluttu ávörp í tilefni dagsins og var göngumönnum jafnframt boðið upp á heitt kakó.

Gestum var boðið að ganga um bygginguna og skoða hana.

Þrjár deildir HR af fimm flytja í nýbygginguna núna, tækni- og verkfræðideild, tölvunarfræðideild og viðskiptadeild. Lagadeild og kennslufræði- og lýðheilsudeild flytja svo í sumar og þá verður starfsemi HR öll undir einu þaki. Um 2.300 nemendur og 200 kennarar flytja núna í Nauthólsvík, en alls eru um 3.000 nemendur skráðir í nám við HR.

Fyrsta skóflustungan að nýja húsnæðinu var tekin árið 2007. Eignarhaldsfélagið Fasteign er eigandi hússins, ber ábyrgð á byggingunni og afhendingartíma og mun skólinn leigja húsið til næstu 50 ára með ákveðnum kaupréttarsamningi. Ístak er aðalvertaki byggingarinnar, en einnig koma margir undirverktakar að verkinu. Áætlað er að byggingarkostnaður verði í námunda við 12 milljarða króna þegar verkinu lýkur næsta haust.

Hönnuðir byggingarinnar eru ARKÍS og Henning Larsen Architects í Danmörku og verkfræðilegir hönnuður hússins eru Mannvit og Verkís. Landslagsarkitektar eru Landmótun.

Ekki var annað að sjá en að nemendur HR væru ánægðir með nýja húsið. mbl.is/Heiddi

Svafa Grönfeldt, rektor HR, ávarpaði samkomuna í nýju húsakynnunum. mbl.is/Heiddi

Innlent »

„Engin framtíðarsýn um framtíð verðtryggingar“

13:59 Þór Saari, þingmaður Hreyfingarinnar, sagði á Alþingi í dag að af viðræðum við ríkisstjórnina sem lauk í gærkvöldi hafi ekki annað komið í ljós en að Íslendingar muni áfram búa við óbreytt fyrirkomulag hvað viðkemur verðtryggingu. „Það er engin framtíðarsýn um framtíð verðtryggingar,“ sagði Þór. Meira

Ók á 150 og var undir áhrifum

13:47 Karl á þrítugsaldri var stöðvaður við akstur á Reykjanesbraut í Hafnarfirði í gærkvöld eftir að bíll sem hann ók mældist á 150 km hraða á móts við Vallahverfi. Maðurinn reyndist vera undir áhrifum fíkniefna en hann hefur margoft gerst sekur um umferðarlagabrot og hafði þegar verið sviptur ökuleyfi. Meira

Heilsuræktin í Elliðaárdalnum

13:50 Framkvæmdir í nýrri heilsuræktarstöð Boot Camp við Rafstöðvarveg eru langt á veg komnar og gert er ráð fyrir því að opna stöðina formlega eftir tvær vikur. Ákvörðunin um að leyfa starfsemina í Elliðaárdal hefur verið nokkuð umdeild en töluverður hluti æfinganna hjá Boot Camp fara fram utandyra. Meira

Ísland í stjórn Alþjóða geislavarnasamtakanna

13:32 Sigurður M. Magnússon, forstjóri Geislavarna ríkisins, var kjörinn í stjórn Alþjóða geislavarnasamtakanna á aðalfundi þess í Glasgow í síðustu viku. Sigurður náði kjöri í fyrstu umferð og er kjörtímabil hans til ársins 2020. Meira

LÍÚ og SA vísa kjaradeilu til sáttasemjara

13:06 Landssamband íslenskra útvegsmanna og Samtök atvinnulífsins vísuðu í dag kjaraviðræðum útvegsmanna og sjómanna til ríkissáttasemjara. Meira

Alþingi taki málið til umfjöllunar

13:42 Ragnheiður Elín Árnadóttir, þingflokksformaður Sjálfstæðisflokks, fór fram á það á Alþingi í dag að utanríkisráðherra verði boðaður á fund utanríkismálanefndar og í kjölfarið muni Alþingi taka til umfjöllunar þjóðaratkvæðagreiðslu um áframhaldandi aðildarviðræður við Evrópusambandið. Meira

Sjómenn hafna kröfum LÍÚ

Það er orðið nokkuð langt síðan Friðrik J. Arngrímsson og Sævar Gunnarsson hafa undirritað kjarasamning.

13:27 Sævar Gunnarsson, formaður Sjómannasambands Íslands, segir að sjómenn hefðu á síðasta ári fengið skýr skilaboð frá LÍÚ um að útgerðarmenn myndu ekki gagna frá kjarasamningi við sjómenn fyrr en komnar væru skýrar línur varðandi frumvörp um stjórn fiskveiða. Meira

Sömdu til ársins 2017

Verksmiðja Becromal er í Krossanesi við Eyjafjörð.

13:00 Atkvæðagreiðsla um kjarasamning milli Becromal og Einingar-Iðju er að hefjast, en skrifað var undir hann fyrir helgi. Þetta er annar samningurinn sem gerður er, en starfsmenn höfnuðu samningi sem gerður var í vetur. Samningurinn er til 2017 Meira

Engar tillögur um lækkun veiðigjalds

Jón Gunnarsson, þingmaður Sjálfstæðisflokksins. Alþingi.

13:00 Frumvarp sjávarútvegsráðherra um veiðigjald var ekki afgreitt úr atvinnuveganefnd í dag og ekki lagðar fram tillögur að lækkun gjaldanna. Fréttablaðið hafði eftir heimildum í dag að þetta stæði til en að sögn Jóns Gunnarssonar þingmanns Sjálfstæðisflokks voru engar tillögur lagðar fram. Meira

Kynnti áherslur Íslands

José Manuel Barroso, Islam Karimov, Jóhanna Sigurðardóttir og Julia Gillard

12:24 Forsætisráðherra, Jóhanna Sigurðardóttir, tók þátt í leiðtogafundi Atlantshafsbandalagsins sem hófst á sunnudag í Chicago. Barack Obama Bandaríkjaforseti var gestgjafi fundarins en Chicago er heimaborg hans. Meira

Gert að yfirgefa heimili sitt

12:50 Héraðsdómur Suðurlands hefur staðfest ákvörðun lögreglustjórans á Selfossi um að karlmanni sé gert að yfirgefa heimili sitt þar sem hann býr ásamt eiginkonu sinni og að hann sæti nálgunarbanni. Er það gert til að vernda friðhelgi eiginkonunnar sem maðurinn hefur beitt ofbeldi. Meira

„Heppni að það varð ekki slys“

11:50 Betur fór en á horfðist þegar ökumaður fólksbíls ók í veg fyrir hjólreiðarmann á Reykjavíkurvegi í Hafnarfirði í morgun. Hjólreiðarmaðurinn varð að nauðhemla þegar ökumaðurinn beygði snögglega til hægri og við það kastaðist maðurinn af hjólinu. Meira

Skila áætlun um landbúnað í júní

Össur Skarphéðinsson utanríkisráðherra, Steven Vanackere, utanríkisráðherra Belga og Stefan Füle, stækkunarstjóri ESB.

11:50 Íslensk stjórnvöld ætla fyrir miðjan júní að leggja fram áætlun um hvernig Ísland hyggst standa við skuldbindingar sínar í landbúnaðarmálum ef Ísland gerist aðili að Evrópusambandinu. Íslensk stjórnvöld hafa ekki enn lagt fram formlegar kröfur í landbúnaðar- og sjávarútvegsmálum. Meira

Of gott til að vera satt

11:29 Ef tilboð hljómar of gott til að vera satt að þá er það næstum örugglega raunin. Margir hafa samt farið flatt á þessu og ætlað að kaupa hluti í góðri trú, segir í tilkynningu frá lögreglunni á höfuðborgarsvæðinu og lýsir raunum manns sem keypti reiðhjól á verði sem var of gott til að vera satt. Meira

Farið fram á lokað þinghald

10:47 Réttargæslumaður fjölskyldu konu sem myrt var í heimahúsi í Hafnarfirði í febrúar sl. fór fram á það við þingfestingu máls á hendur manni ákærðum fyrir morðið að þinghald í málinu verði lokað. Úrskurður verður kveðinn upp fyrir hádegið. Meira

Kosið verði um ESB fyrir árslok

11:41 Efna þarf til þjóðaratkvæðagreiðslu hið fyrsta, fyrir lok þess árs, um hvort þjóðin vilji ganga inn í Evrópusambandið eða ekki. Þetta er skoðun Guðfríður Lilju Grétarsdóttur þingmanns Vinstri grænna sem lagði fram bókun á fundi utanríkismálanefndar í morgun. Sjálfstæðis- og Framsóknarmenn tóku undir Meira

„Ég játa, eins og stendur þarna“

Hlífar Vatnar Stefánsson leiddur inn í réttarsalinn

11:16 Hlífar Vatnar Stefánsson játaði við þingfestingu í dag að hafa orðið Þóru Eyjalín Gísladóttur að bana í febrúar sl. „Ég játa, eins og stendur þarna,“ sagði Hlífar. Hann mótmælti bótakröfum í málinu með eftirfarandi orðum: „Þetta er ógeðslega ómerkilegt.“ Meira