Innlent | Morgunblaðið | 13.1.2010 | 7:30 | Uppfært 7:47

Fésbókarsíðan ekki opinber

Hrannar Björn Arnarsson.

Hrannar B. Arnarsson, aðstoðarmaður forsætisráðherra, segir Facebook-síðu sína ekki opinberan vettvang.

Athygli vakti þegar hann tíndi til neikvæða erlenda umfjöllun um Ísland í Icesave-málinu á síðunni og lét fylgja með að hún væri „með kveðju frá Bessastöðum“. Hafa sumir túlkað þetta þannig að embættismaðurinn hafi verið að hæðast að forsetanum eða ákvörðun hans. Facebook-síðan er lokuð og ekki hafa aðrir aðgang að henni en vinir hans á Facebook-vefnum.

Aðspurður segir Hrannar að hann komi ekki fram sem talsmaður ríkisstjórnarinnar á síðunni, heldur birti hann þar ýmislegt sem viðkomi hans lífi og starfi, fyrir sína vini og kunningja. Með tengingunni við Bessastaði hafi hann einfaldlega verið að benda á uppruna þeirra frétta sem dundu á Íslendingum þann daginn. Að öðru leyti vill hann ekki tjá sig um málið.

Eins og að tjá sig í eldhúsinu

Hann tekur skýrt fram á síðunni að hún sé óopinber og ætluð fjölskyldu hans, vinum, kunningjum og öðrum sem vilji halda tengslum við hann. „Hér vil ég geta tjáð mig eins og ég geri í eldhúsinu heima. Ekkert á síðunni er ætlað til opinberrar birtingar,“ segir í lýsingu síðunnar. Þess má þó geta að skráðir vinir Hrannars á Facebook, sem hafa fullan aðgang að vefsvæði hans þar, eru 1.729 talsins.

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir

Innlent »

„Engin framtíðarsýn um framtíð verðtryggingar“

13:59 Þór Saari, þingmaður Hreyfingarinnar, sagði á Alþingi í dag að af viðræðum við ríkisstjórnina sem lauk í gærkvöldi hafi ekki annað komið í ljós en að Íslendingar muni áfram búa við óbreytt fyrirkomulag hvað viðkemur verðtryggingu. „Það er engin framtíðarsýn um framtíð verðtryggingar,“ sagði Þór. Meira

Ók á 150 og var undir áhrifum

13:47 Karl á þrítugsaldri var stöðvaður við akstur á Reykjanesbraut í Hafnarfirði í gærkvöld eftir að bíll sem hann ók mældist á 150 km hraða á móts við Vallahverfi. Maðurinn reyndist vera undir áhrifum fíkniefna en hann hefur margoft gerst sekur um umferðarlagabrot og hafði þegar verið sviptur ökuleyfi. Meira

Heilsuræktin í Elliðaárdalnum

13:50 Framkvæmdir í nýrri heilsuræktarstöð Boot Camp við Rafstöðvarveg eru langt á veg komnar og gert er ráð fyrir því að opna stöðina formlega eftir tvær vikur. Ákvörðunin um að leyfa starfsemina í Elliðaárdal hefur verið nokkuð umdeild en töluverður hluti æfinganna hjá Boot Camp fara fram utandyra. Meira

Ísland í stjórn Alþjóða geislavarnasamtakanna

13:32 Sigurður M. Magnússon, forstjóri Geislavarna ríkisins, var kjörinn í stjórn Alþjóða geislavarnasamtakanna á aðalfundi þess í Glasgow í síðustu viku. Sigurður náði kjöri í fyrstu umferð og er kjörtímabil hans til ársins 2020. Meira

LÍÚ og SA vísa kjaradeilu til sáttasemjara

13:06 Landssamband íslenskra útvegsmanna og Samtök atvinnulífsins vísuðu í dag kjaraviðræðum útvegsmanna og sjómanna til ríkissáttasemjara. Meira

Alþingi taki málið til umfjöllunar

13:42 Ragnheiður Elín Árnadóttir, þingflokksformaður Sjálfstæðisflokks, fór fram á það á Alþingi í dag að utanríkisráðherra verði boðaður á fund utanríkismálanefndar og í kjölfarið muni Alþingi taka til umfjöllunar þjóðaratkvæðagreiðslu um áframhaldandi aðildarviðræður við Evrópusambandið. Meira

Sjómenn hafna kröfum LÍÚ

Það er orðið nokkuð langt síðan Friðrik J. Arngrímsson og Sævar Gunnarsson hafa undirritað kjarasamning.

13:27 Sævar Gunnarsson, formaður Sjómannasambands Íslands, segir að sjómenn hefðu á síðasta ári fengið skýr skilaboð frá LÍÚ um að útgerðarmenn myndu ekki gagna frá kjarasamningi við sjómenn fyrr en komnar væru skýrar línur varðandi frumvörp um stjórn fiskveiða. Meira

Sömdu til ársins 2017

Verksmiðja Becromal er í Krossanesi við Eyjafjörð.

13:00 Atkvæðagreiðsla um kjarasamning milli Becromal og Einingar-Iðju er að hefjast, en skrifað var undir hann fyrir helgi. Þetta er annar samningurinn sem gerður er, en starfsmenn höfnuðu samningi sem gerður var í vetur. Samningurinn er til 2017 Meira

Engar tillögur um lækkun veiðigjalds

Jón Gunnarsson, þingmaður Sjálfstæðisflokksins. Alþingi.

13:00 Frumvarp sjávarútvegsráðherra um veiðigjald var ekki afgreitt úr atvinnuveganefnd í dag og ekki lagðar fram tillögur að lækkun gjaldanna. Fréttablaðið hafði eftir heimildum í dag að þetta stæði til en að sögn Jóns Gunnarssonar þingmanns Sjálfstæðisflokks voru engar tillögur lagðar fram. Meira

Kynnti áherslur Íslands

José Manuel Barroso, Islam Karimov, Jóhanna Sigurðardóttir og Julia Gillard

12:24 Forsætisráðherra, Jóhanna Sigurðardóttir, tók þátt í leiðtogafundi Atlantshafsbandalagsins sem hófst á sunnudag í Chicago. Barack Obama Bandaríkjaforseti var gestgjafi fundarins en Chicago er heimaborg hans. Meira

Gert að yfirgefa heimili sitt

12:50 Héraðsdómur Suðurlands hefur staðfest ákvörðun lögreglustjórans á Selfossi um að karlmanni sé gert að yfirgefa heimili sitt þar sem hann býr ásamt eiginkonu sinni og að hann sæti nálgunarbanni. Er það gert til að vernda friðhelgi eiginkonunnar sem maðurinn hefur beitt ofbeldi. Meira

„Heppni að það varð ekki slys“

11:50 Betur fór en á horfðist þegar ökumaður fólksbíls ók í veg fyrir hjólreiðarmann á Reykjavíkurvegi í Hafnarfirði í morgun. Hjólreiðarmaðurinn varð að nauðhemla þegar ökumaðurinn beygði snögglega til hægri og við það kastaðist maðurinn af hjólinu. Meira

Skila áætlun um landbúnað í júní

Össur Skarphéðinsson utanríkisráðherra, Steven Vanackere, utanríkisráðherra Belga og Stefan Füle, stækkunarstjóri ESB.

11:50 Íslensk stjórnvöld ætla fyrir miðjan júní að leggja fram áætlun um hvernig Ísland hyggst standa við skuldbindingar sínar í landbúnaðarmálum ef Ísland gerist aðili að Evrópusambandinu. Íslensk stjórnvöld hafa ekki enn lagt fram formlegar kröfur í landbúnaðar- og sjávarútvegsmálum. Meira

Of gott til að vera satt

11:29 Ef tilboð hljómar of gott til að vera satt að þá er það næstum örugglega raunin. Margir hafa samt farið flatt á þessu og ætlað að kaupa hluti í góðri trú, segir í tilkynningu frá lögreglunni á höfuðborgarsvæðinu og lýsir raunum manns sem keypti reiðhjól á verði sem var of gott til að vera satt. Meira

Farið fram á lokað þinghald

10:47 Réttargæslumaður fjölskyldu konu sem myrt var í heimahúsi í Hafnarfirði í febrúar sl. fór fram á það við þingfestingu máls á hendur manni ákærðum fyrir morðið að þinghald í málinu verði lokað. Úrskurður verður kveðinn upp fyrir hádegið. Meira

Kosið verði um ESB fyrir árslok

11:41 Efna þarf til þjóðaratkvæðagreiðslu hið fyrsta, fyrir lok þess árs, um hvort þjóðin vilji ganga inn í Evrópusambandið eða ekki. Þetta er skoðun Guðfríður Lilju Grétarsdóttur þingmanns Vinstri grænna sem lagði fram bókun á fundi utanríkismálanefndar í morgun. Sjálfstæðis- og Framsóknarmenn tóku undir Meira

„Ég játa, eins og stendur þarna“

Hlífar Vatnar Stefánsson leiddur inn í réttarsalinn

11:16 Hlífar Vatnar Stefánsson játaði við þingfestingu í dag að hafa orðið Þóru Eyjalín Gísladóttur að bana í febrúar sl. „Ég játa, eins og stendur þarna,“ sagði Hlífar. Hann mótmælti bótakröfum í málinu með eftirfarandi orðum: „Þetta er ógeðslega ómerkilegt.“ Meira