Innlent | mbl | 12.5.2010 | 15:23 | Uppfært 17:12

Flestir treysta Steingrími

Steingrímur J. Sigfússon nýtur meiri stuðnings heldur en Jóhanna Sigurðardóttir. mbl.is/Árni Sæberg

Flestir, eða 37,6% aðspurðra, segjast bera mikið traust til Steingríms J. Sigfússonar fjármálaráðherra í nýrri könnun MMR á trausti almennings til forystufólks í stjórnmálum. Aftur á móti fjölgar þeim nokkuð sem segjast bera lítið traust til Bjarna Benediktssonar, formanns Sjálfstæðisflokksins.

Traust til Steingríms helst nær óbreytt frá síðustu könnun MMR í september 2009.

Þá sögðust 23,9% bera mikið traust til Jóhönnu Sigurðardóttur forsætisráðherra borið saman við 36,0% í síðustu könnun. Fyrir rúmu ári síðan í febrúar 2009 kváðust 58,5% bera mikið traust til Jóhönnu.

Rúmlega 40% svarenda sögðust bera lítið traust til Steingríms og helst það svo til óbreytt frá síðustu könnun en þeim fjölgar nokkuð sem segjast bera lítið traust til Jóhönnu eða 52,9% borið saman við 39,8% í síðustu könnun.

Næst flestir eða 26,7% sögðust bera mikið traust til Ólafs Ragnars Grímssonar forseta Íslands en 46,9% sögðust bera lítið traust til hans.

Nú segjast 16,1% bera mikið traust til Birgittu Jónsdóttur, formanns þingflokks Hreyfingarinnar en 7,4% báru mikið traust til hennar skv. könnuninni í september 2009.

Þeim sem segjast bera lítið traust til Birgittu fækkar nokkuð milli kannanna, nú segjast 55,4% bera lítið traust til hennar borið saman við 63% í síðustu könnun.

Aftur á móti fjölgar þeim nokkuð sem segjast bera lítið traust til Bjarna Benediktssonar, formanns Sjálfstæðisflokksins, 67,0% sögðust bera lítið traust til hans nú samanborið við 54,4% í síðustu könnun.

Ef litið er á afstöðu svarenda til stjórnmálaflokka, má t.d. sjá að Steingrímur J. Sigfússon nýtur trausts meðal 88,1% þeirra sem segjast myndu kjósa Vinstri græna væri gengið til kosninga nú, Jóhanna Sigurðardóttir nýtur trausts meðal 75,6% stuðningsmanna Samfylkingarinnar, Sigmundur Davíð Gunnlaugsson nýtur trausts meðal 70,3% Framsóknarmanna og Bjarni Benediktsson nýtur trausts meðal 55,6% Sjálfstæðismanna.

Könnunin var framkvæmd dagana 4.-10. maí 2010 og var heildarfjöldi svarenda 976 einstaklingar.

Spurt var um traust til nokkurra stjórnmálaleiðtoga.

Innlent »

Reiðhjólaþjófar á ferð

15:09 Nokkuð hefur borið á því að undanförnu að reiðhjólum hafi verið stolið í umdæmi lögreglunnar á Suðurnesjum. Meira

Hlífar Vatnar Stefánsson leiddur inn í réttarsalinn

Óreglumaðurinn sem játaði morð

15:04 Ungi maðurinn sem játaði fyrir Héraðsdómi Reykjaness í morgun á sig morð hefur áður komist í kast við lögin, og raunar verið dæmdur fyrir fjölmörg brot, oftast nytjastuld og þjófnaði, en einnig fíkniefnabrot. Meira

Féll af hestbaki

14:56 Kona um þrítugt var flutt á sjúkrahús um helgina eftir að hafa fallið af hestbaki á Suðurnesjum. Meira

80 viðburðir á listahátíð

Hrefna Haraldsdóttir, listrænn stjórnandi Listahátíðar í Reykjavík.

14:42 Listahátíð í Reykjavík hófst sl. föstudag og stendur til 3. júní. Á vegum hennar verða u.þ.b 80 viðburðir haldnir á víð og dreif um borgina en að sögn Hrefnu Haraldsdóttur, listræns stjórnanda hátíðarinnar, hefur hún hlotið jákvæð viðbrögð og miðasala gengið vel. Meira

Undrast forgangsröðun í vegamálum

14:38 „Ég er algerlega steinhissa á því að menn setji ekki gerð Vestfjarðarvegs 60 í Gufudalssveit í forgang. Það þýðir lítið að bora göng þegar ekki er vegur alla leið. Það er ekki orð minnst á vegalagninguna í þessari áætlun,“ segir Ásthildur Sturludóttir bæjarstjóri Vesturbyggðar. Meira

Tarfurinn kostar 135 þúsund krónur

14:53 Þeir sem fengu leyfi til þess að veiða hreindýr í sumar og haust þurfa að greiða fyrir leyfin fyrir 2. júlí. Alls kostar veiðileyfi fyrir tarf 135 þúsund krónur en 80 þúsund fyrir kýr. Meira

Svifryk tvisvar yfir mörkum það sem af er ári

Mikið svifryk mældist á höfuðborgarsvæðinu í gær

14:40 Svifryksmistrið sem að lá yfir Suður- og Vesturlandi í gær fór fram hjá fáum. Mest mældist mengunin 465,8 míkrógrömm á rúmmetra í gærkvöldi en heilsuverndarmörk á sólarhring miðast við 50 míkrógrömm. Meira

Hjóli prúðbúnir á morgun

Um 11 þúsund landsmenn frá 664 vinnustöðum taka þátt í átakinu í ár

14:27 Þátttakendur í átakinu hjólað í vinnuna eru hvattir til þess að hjóla eða ganga prúðbúnir til vinnu á morgun í tilefni af tíu ára afmæli átaksins. Meira

Gunnar Birgisson greiði sekt

14:24 Héraðsdómur Reykjaness hefur dæmt Gunnar Birgisson og Sigrúnu Ágústu Bragadóttur til að greiða hvor um sig 150 þúsund krónur í sekt fyrir að hafa sem stjórnarformaður og framkvæmdastjóri Lífeyrissjóðs Kópavogs gefið Fjármálaeftirlitinu rangar upplýsingar. Meira

„Engin framtíðarsýn um framtíð verðtryggingar“

13:59 Þór Saari, þingmaður Hreyfingarinnar, sagði á Alþingi í dag að af viðræðum við ríkisstjórnina sem lauk í gærkvöldi hafi ekki annað komið í ljós en að Íslendingar muni áfram búa við óbreytt fyrirkomulag hvað viðkemur verðtryggingu. „Það er engin framtíðarsýn um framtíð verðtryggingar,“ sagði Þór. Meira

Sjóðurinn tæmist á 15 árum

14:15 Ef ríkissjóður eykur ekki inngreiðslur í Lífeyrissjóð hjúkrunarfræðinga tæmist sjóðurinn eftir u.þ.b. 15 ár. Þetta kemur fram í ávarpi stjórnarformanns sjóðsins í árskýrslu sjóðsins. Meira

Heilsuræktin í Elliðaárdalnum

13:50 Framkvæmdir í nýrri heilsuræktarstöð Boot Camp við Rafstöðvarveg eru langt á veg komnar og gert er ráð fyrir því að opna stöðina formlega eftir tvær vikur. Ákvörðunin um að leyfa starfsemina í Elliðaárdal hefur verið nokkuð umdeild en töluverður hluti æfinganna hjá Boot Camp fara fram utandyra. Meira

Ók á 150 og var undir áhrifum

13:47 Karl á þrítugsaldri var stöðvaður við akstur á Reykjanesbraut í Hafnarfirði í gærkvöld eftir að bíll sem hann ók mældist á 150 km hraða á móts við Vallahverfi. Maðurinn reyndist vera undir áhrifum fíkniefna en hann hefur margoft gerst sekur um umferðarlagabrot og hafði þegar verið sviptur ökuleyfi. Meira

Ísland í stjórn Alþjóða geislavarnasamtakanna

13:32 Sigurður M. Magnússon, forstjóri Geislavarna ríkisins, var kjörinn í stjórn Alþjóða geislavarnasamtakanna á aðalfundi þess í Glasgow í síðustu viku. Sigurður náði kjöri í fyrstu umferð og er kjörtímabil hans til ársins 2020. Meira

LÍÚ og SA vísa kjaradeilu til sáttasemjara

13:06 Landssamband íslenskra útvegsmanna og Samtök atvinnulífsins vísuðu í dag kjaraviðræðum útvegsmanna og sjómanna til ríkissáttasemjara. Meira

Alþingi taki málið til umfjöllunar

13:42 Ragnheiður Elín Árnadóttir, þingflokksformaður Sjálfstæðisflokks, fór fram á það á Alþingi í dag að utanríkisráðherra verði boðaður á fund utanríkismálanefndar og í kjölfarið muni Alþingi taka til umfjöllunar þjóðaratkvæðagreiðslu um áframhaldandi aðildarviðræður við Evrópusambandið. Meira

Sjómenn hafna kröfum LÍÚ

Það er orðið nokkuð langt síðan Friðrik J. Arngrímsson og Sævar Gunnarsson hafa undirritað kjarasamning.

13:27 Sævar Gunnarsson, formaður Sjómannasambands Íslands, segir að sjómenn hefðu á síðasta ári fengið skýr skilaboð frá LÍÚ um að útgerðarmenn myndu ekki gagna frá kjarasamningi við sjómenn fyrr en komnar væru skýrar línur varðandi frumvörp um stjórn fiskveiða. Meira

Sömdu til ársins 2017

Verksmiðja Becromal er í Krossanesi við Eyjafjörð.

13:00 Atkvæðagreiðsla um kjarasamning milli Becromal og Einingar-Iðju er að hefjast, en skrifað var undir hann fyrir helgi. Þetta er annar samningurinn sem gerður er, en starfsmenn höfnuðu samningi sem gerður var í vetur. Samningurinn er til 2017 Meira