Framkvæmdastjóri SI vill lengja umsóknarfrest í skólum

Það verður að stilla saman strengi til þess að fá fleiri til þess að leggja stund á tækni- og raungreinar í skólum landsins, segir framkvæmdastjóri Samtaka iðnaðarins í fréttatilkynningu. Hann skorar á háskólana að framlengja umsóknarfresti.
 
„Nauðsynlegt að framlengja fresti“ segir Jón Steindór Valdimarsson, framkvæmdastjóri Samtaka iðnaðarins. „Ég held að ungt fólk átti sig ekki nægilega vel á því hve mikil þörf er á fólki með hvers konar verk- og tæknimenntun, ekki síst á hugbúnaðar-, raf- og véltækni af ýmsu tagi. Vaxtargreinar okkar þurfa á svona fólki að halda. Fáist það ekki geta fyrirtækin ekki vaxið hér á landi og það má ekki gerast“ segir Jón Steindór, í fréttatilkynningu sem hann hefur sent frá sér.
 

• 1 blogg um fréttina

Bloggað um fréttina

• Valbjörn Júlíus Þorláksson: Framlengja?