Gengismál í Hæstarétti 6. september

Mál sem varðaði bílalán sem gengistryggt var með ólögmætum hætti og Héraðsdómur Reykjavíkur dæmdi í að lánsféð skyldi bera óverðtryggða vexti Seðlabanka Íslands í stað samningsvaxta verður flutt fyrir Hæstarétti þann 6. september.

Niðurstaða héraðsdóma var fyrsti dómurinn sem kveður á um hvernig skuli gera upp veitt lán sem voru gengistryggð. Er lokadóms Hæstaréttar í málinu því beðið með óþreyju enda miklir hagsmunir í húfi, bæði fyrir lánþega og lánveitendur. 

Hæstiréttur kvað í júní upp tvo dóma um að gengistrygging lánsfjár í íslenskum krónum stæðist ekki lög. Þar sem lánveitendur gerðu ekki kröfu um breytingu á lánasamningunum tók rétturinn ekki afstöðu til þess hvort eða hvernig skyldi gera lánin upp.

mbl.is/Golli

• 2 blogg um fréttina

Bloggað um fréttina

• Sigurður Haraldsson: Vakna þú mín Þyrnirós.
• Kristinn Karl Brynjarsson: Gengislán =gölluð vara.