Björgvin G. Sigurðsson, fyrrverandi viðskiptaráðherra, segir að rannsóknarnefnd Alþingis hafi komist að þeirri niðurstöðu að eftir að komið hafi verið fram á árið 2006 hafi ekkert getað forðað falli bankanna. Hann hafi tekið við starfi viðskiptaráðherra einu og hálfu ári síðar.

Þetta kemur fram í svari hans til þingmannanefndarinnar, sem fjallaði um skýrslu rannsóknarnefndarinnar. Björgvin áréttar að þó hann hefði að mati rannsóknarnefndarinnar gert allt eins og nefndin teldi fræðilega best á kosið, þá hefði það ekki komið í veg fyrir hrun íslensku bankanna.

Björgvin bendir á að vinnulag ríkisstjórnarinnar hafi sett á herðar sér ábyrgð vegna atburðarásar sem hann hafi þó samhliða verið sviptur rétti til þess að taka þátt í, þrátt fyrir að gegna embætti viðskiptaráðherra.

Bréf þingmannanefndarinnar til Björgvins og svar hans

Tengdar fréttir

Landsdómur

Biðst afsökunar á sínum hlut í Landsdómsmálinu

• Vill að þingið biðji ráðherra afsökunar
• Tenging við Pólland langsótt
• Á von á skiptum skoðunum
• Alþingi álykti að málshöfðun hafi verið röng

» Fleiri tengdar fréttir

• 3 blogg um fréttina

Bloggað um fréttina

• Sigurður Haraldsson: Þegar árið 2006!
• Jón Ingi Cæsarsson: Villta vestrið..finnum okkur einhverja til að hengja ?
• Sigurður Sigurðsson: Hann er ábyrgur