Kirkjuþing samþykkir nefndina
Setja bókamerki
Tillaga forsætisnefndar kirkjuþings um að skipa rannsóknarnefnd um viðbrögð og starfshætti þjóðkirkjunnar vegna ásakana á hendur Ólafi Skúlasyni vegna kynferðisbrota var samþykkt með öllum greiddum atkvæðum á kirkjuþingi í dag.
„Lagt var til að málið yrði samþykkt óbreytt og borið undir atkvæði. Það var samþykkt með öllum greiddum atkvæðum,“ segir Árni Svanur Daníelsson verkefnisstjóri á Biskupsstofu.
Þá var einnig samþykkt sú tillaga forsætisnefndar að nefndina skipi þau Róbert Ragnar Spanó, prófessor og forseti lagadeildar Háskóla Íslands, Berglind Guðmundsdóttir sálfræðingur og Þorgeir Ingi Njálsson, dómstjóri Héraðsdóms Reykjaness. Róbert verður formaður nefndarinnar.
„Síðan var borin upp tillaga um þessa þrjá fulltrúa og hún var einnig samþykkt með öllum greiddum atkvæðum. Þetta var samþykkt núna og afgreitt hratt og örugglega. Það endurspeglar góðan undirbúning málsins af forsætisnefnd kirkjuþings,“ segir Árni Svanur.
Nýtt fangelsi í landi Stóra-Hrauns tilbúið 2028
Dómur þyngdur um þrjú ár
„Höfum sloppið bærilega með skaða af þessu gosi“
Sólveig Anna furðar sig á aðferðum kennara
Yfir 300 stæði fóru undir hraun
Fullvissa ferðamenn um að hér sé öruggt
Hópur fólks reyndi að komast að eldgosinu