Fagna afstöðu Landsvirkjunar

Umhverfis- og náttúruverndarsamtök á Íslandi segjast fagna ábyrgri afstöðu Landsvirkjunar, sem hafi lýst því yfir að ekki verði ráðist í rannsóknarboranir í Gjástykki áður en fyrir liggi niðurstaða stjórnvalda um friðlýsingu Gjástykkis. 

„Leyfi Orkustofnunar til rannsóknarborana í Gjástykki virðir að vettugi umsagnir umhverfisráðuneytisins og fagstofnanna þess, þ.e. Umhverfisstofnunar og Náttúrufræðistofnunar. Umhverfisráðherra hefur réttilega bent á að færð hafi verið fram þung náttúruverndarrök gegn veitingu leyfis til rannsókna í Gjástykki," segir í tilkynningu frá náttúruverndarsamtökunum, sem segja brýnt, að umhverfisráðuneytið  ljúki við friðlýsingu Gjástykkis hið fyrsta.

• 1 blogg um fréttina

Bloggað um fréttina

• Benedikt V. Warén: Sé ekki hvað er að því að kanna svæðið....