Innlent | mbl | 2.2.2011 | 11:16 | Uppfært 12:54

Fleiri Íslendingar ferðuðust til útlanda

Ferðafólk við Dettifoss. Rax / Ragnar Axelsson

Svipaður fjöldi Íslendinga, eða níu af hverjum tíu, ferðaðist innanlands árið 2010 og árið 2009. Ríflega fjórðungsaukning var hins vegar í utanferðum milli ára, 56,3% ferðuðust utan árið 2010 en árið á undan ferðuðust 44,3% utan.

Þetta er meðal niðurstaðna úr nokkrum spurningum um ferðalög Íslendinga innanlands sem Ferðamálastofa fékk MMR til að leggja fyrir Íslendinga á aldrinum 18-80 ára. Könnunin var gerð í nýliðnum janúarmánuði.

Meðaldvalarlengd á ferðalögum innanlands var 14,9 nætur árið 2010. Um er að ræða sambærilega dvalarlengd og árið 2009 en þá var hún 14,3 nætur. Einn af hverjum tíu gisti eina til þrjár nætur, tveir af hverjum fimm fjórar til tíu nætur og helmingurinn ellefu nætur eða lengur.

Norðurland og Suðurland voru þeir landshlutar sem flestir landsmenn heimsóttu á árinu 2010 eða þrír af hverjum fimm. Tveir af hverjum fimm heimsóttu Vesturland, fjórðungur Austurland, fimmtungur Höfuðborgarsvæðið eða Vestfirði, einn af hverjum tíu hálendið og tæplega einn af hverjum tíu Reykjanesið.

Íslendingar nýta sem áður ódýra tegund gistingar í miklum mæli
Helmingur Íslendinga á ferðalagi gisti hjá vinum og ættingjum og sama hlutfall í tjaldi, fellihýsi eða húsbíl. Tæplega tveir af hverjum fimm gistu í sumarhúsi eða íbúð í einkaeign og álíka margir í orlofshúsi eða íbúð í eigu félagasamtaka. Fimmtungur gisti hins vegar á hóteli, gistiheimili eða sambærilegri gistingu. Sambærilegar niðurstöður fengust um gistimáta landsmanna á ferðalögun innanlands árið 2009.

Sund og jarðböð eru sú afþreying sem flestir landsmenn greiddu fyrir á ferðalögum árið 2010 eða tveir landsmenn af hverjum þremur. Margir (37,7%) borguðu sig inn á söfn eða sýningar, fyrir veiði (22,5%), leikhús eða tónleika (17,3%), golf (14,1%) eða bátsferð (11,2%).

Langflestir Íslendingar hafa einhver áform um ferðalög á árinu 2011. Þannig segjast 56,8% ætla fara í sumarbústaðaferð innanlands, 49,4% að heimsækja vini eða ættingja, 33,8% í ferð innanlands með vinahópi eða klúbbfélögum, 31,7% borgarferð erlendis, 25,2% borgar- eða bæjarferð innanlands og 24,5% útivistarferð innanlands, þ.m.t. gönguferðir, jeppa- eða snjósleðaferðir.

Könnunin var unnin sem net- og símakönnun 11.-14. janúar. Spurningar fyrir aldurshópinn 18-67 ára voru lagðar fyrir í spurningavagni MMR og var svarað á Internetinu. Könnunin náði til 1400 manna panel úrtaks, kvótaskiptu til samræmis við lýðfræðilega samsetningu þjóðskrár og var svarhlutfall 63,6%. Aldurshópurinn 68-80 ára var spurður símleiðis, byggt var á 159 manna úrtaki og var svarhlutfall 57,9%. Framkvæmd og úrvinnsla voru í höndum MMR.

Innlent »

Opið hús var hjá samreknu slökkviliði Þingeyjarsveitar og Skútustaðahrepps í tilefni nýrrar slökkvistöðvar.

Ný slökkvistöð tekin í notkun

Í gær, 23:44 Ný slökkvistöð var formlega tekin í notkun í dag hjá samreknu slökkviliði Þingeyjarsveitar og Skútustaðahrepps. Af tilefni af því var opið hús að Kvíghólsmýri á Laugum, þar sem stöðin er staðsett. Meira

Sorp baggað og breytt í metangas á haugunum í Álfsnesi.

Ýmislegt að gerjast í metaninu

Í gær, 23:05 Ýmsar áætlanir eru uppi um aukna framleiðslu metans fyrir bíla, en bílum sem ganga fyrir metani hefur fjölgað verulega á stuttum tíma. Eftir er að fjármagna framkvæmdir en gangi eftir áætlanir um metanframleiðslu í Eyjafirði, Borgarfirði og Reykjavík verður mun meira framboð af metani eftir 1-2 ár. Meira

Auðvelt að koma sér áfram á netinu

Þorsteinn Sindri Baldvinsson er 18 ára en hefur æft trommuleik í 7 ár.

Í gær, 22:05 „Það eru margir tónlistarmenn á Youtube að gera góða hluti. Þetta er miklu meira en bara kattavídjó og fólk að detta, það eru margir virkilega hæfileikaríkir að koma sér áfram þarna," segir Þorsteinn Sindri Baldvinsson, trommari, sem hefur vakið athygli á Youtube fyrir trommuleik og ætlar sér langt. Meira

Bæjarstjórinn í Garði rekinn

Í gær, 21:06 Ásmundur Friðriksson, bæjarstjóri í Garði, var rekinn frá störfum á aukabæjarstjórnarfundi nú í kvöld. Að sögn Ásmundar snýst uppsögnin og þær breytingar sem urðu á meirihlutanum í bæjarstjórn um helgina um málefni skólans. Hann frétti fyrst af uppsögninni á vefmiðlum í dag. Meira

Brettaíþróttin blómstrar sem aldrei fyrr

Sól og blíða er í Bláfjöllum í kvöld og nægur snjór fyrir brettakappa.

Í gær, 19:53 „Það er frábært veður og gott færi og örugglega eitthvað rúmlega 100 manns í brekkunum," segir Linda Björk Sumarliðadóttir hjá Brettafélagi Íslands, en félagið stendur í kvöld fyrir Sumarglensi í Bláfjöllum. Brettaíþróttin er orðin mjög sterk hér á landi og margir sem vilja nota færið meðan hægt er. Meira

Erfið staða framhaldsskóla

Jón Már Héðinsson skólameistari Menntaskólans á Akureyri ásamt nokkrum nýstúdentum

Í gær, 22:01 Framhaldsskólum á Íslandi er ætlað að mennta hvern nemenda fyrir um 400 þúsund króna lægri fjárhæð en bæði yngri og efri skólastig. Þetta segir Jón Már Héðinsson skólameistari Menntaskólans á Akureyri í viðtali við vikublaðið Akureyri. Meira

„Með gæsahúð á hnjánum“

Í gær, 20:03 „Þetta var svo flott að ég var með gæsahúð á hnjánum.“ Þetta sagði tónlistarmaðurinn Halldór Gunnar Pálsson sem ferðast nú um landið og safnar röddum í lag sitt Ísland eftir að hafa tekið upp í Lágafellsskóla í dag þar sem krakkarnir lærðu lagið á nokkrum mínútum og sungu hástöfum stuttu síðar. Meira

Ekklar lifa skemur en kvæntir karlar

Myndin er úr safni og tengist fréttinni ekki beint

Í gær, 19:40 Dánartíðni karla, sem misst hafa maka sína, er tvöfalt hærri en meðal giftra karla. Ekklar veigra sér við að leita sér stuðnings fagfólks og 20% þeirra segjast nota áfengi í óhófi til að deyfa sorgina. Samfélagið þarf að endurskoða viðhorf sitt til sorgar og syrgjenda. Meira

Fengu verðlaun frá Heimili og skóla

Í gær, 19:19 Foreldraverðlaun Heimilis og skóla - landssamtaka foreldra voru afhent í dag í sautjánda skiptið. Meira

Gæslan við eftirlit

Í gær, 18:52 TF-SIF flugvél Landhelgisgæslunnar fór í gær í eftirlits- og ísflug um V- og N-djúp auk þess sem flogið var um Reykjaneshrygg þar sem nú eru 36 skip að veiðum. Meira

Stálheppinn Finni í lottóinu

Í gær, 19:06 Einn stálheppinn Finni var með allar tölurnar réttar í Víkingalottóinu og hlýtur hann rúmar 99 milljónir í vinning. Meira

Lentu í snjóflóði í Glerárdal

Í gær, 18:28 Lögreglunni á Akureyri barst tilkynning í dag um að snjóflóð hefði fallið í suðurhlíðum Kerlingar á Glerárdal ofan Akureyrar og hefðu tveir vélsleðamenn lent í flóðinu og væru afdrif þeirra óljós. Skömmu síðar kom í ljós að þeir höfðu komist óslasaðir úr flóðinu af sjálfsdáðum. Meira

Arkitektúr.is átti vinningstillöguna

Tölvuteikning af vinningstillögu að byggingu fyrir fyrir Stofnun Vigdísar Finnbogadóttur í erlendum tungumálum

Í gær, 18:04 Arkitektastofan Arkitektúr.is varð hlutskörpust í hönnunarsamkeppni um byggingu fyrir alþjóðlega tungumálamiðstöð Stofnunar Vigdísar Finnbogadóttur í erlendum tungumálum á Hugvísindasviði Háskóla Íslands. Meira

Rétt skrapp frá og bílnum stolið á meðan

Í gær, 17:41 Maður sem rétt skaust inn á vinnustað sinn í austurhluta Reykjavíkur í gær og skildi bifreið sína eftir í gangi fyrir utan varð fyrir því óláni að bifreiðinni var stolið. Meira

Hafna ávirðingum ráðuneytisins

Sjávarútvegsfrumvörpin eru til umræðu í atvinnuveganefnd

Í gær, 17:15 Deloitte hafnar öllum þeim ávirðingum sem sjávarútvegsráðuneytið setur fram í umsögn sinni um skýrslu Deloitte sem send var til atvinnuveganefndar 23. apríl sl. Deloitte harmar aðför sjávarútvegsráðherra á hendur fyrirtækisins á fundum og opinberum vettvangi í tengslum við sjávarútvegsfrumvörpin. Meira

Umferðarslys á Hafnarfjarðarvegi

Í gær, 17:47 Tveir voru fluttir á slysadeild eftir umferðarslys á Hafnarfjarðarvegi fyrir skömmu. Töluverðar tafir hafa verið á umferð vegna slyssins sem varð skammt frá Arnarneshæðinni. Meira

Mótmælt á Austurvelli

Á milli 40 og 50 manns taka þátt í mótmælum á Austurvelli þar sem barið ...

Í gær, 17:33 Um fimmtíu manns eru á Austurvelli og taka þátt í tunnuslætti hóps sem mótmælir aðgerðarleysi stjórnvalda gagnvart heimilum í landinu. Meira

Kolbrún formaður Barnaheilla

Í gær, 17:07 Kolbrún Baldursdóttir sálfræðingur var kosinn formaður stjórnar Barnaheilla – Save the Children á Íslandi á aðalfundi samtakanna í vikunni. Tap varð af rekstri samtakanna á árinu 2011. Meira