Eldsneytisverð lækkar

Íslensku olíufélögin hafa flest lækkað verð bæði á bensíni og dísilolíu um 1-2 krónur lítrann. Shell er eina félagið, sem ekki hefur breytt eldsneytisverði. 

Eldsneyti er ódýrast hjá Orkunni en þar kostar lítri bæði af bensíni og olíu 239,50 krónur. Hjá Atlantsolíu og ÓB er verðið 0,10 krónum hærra og hjá Olís og N1 0,40 krónum hærra.

Hjá Skeljungi kostar bensínlítrinn 242,80 krónur og dísilolían 242,30 krónur.

Heimsmarkaðsverð á hráolíu lækkaði mikið í gær, eða um allt að 10%. Verðið hækkaði hins vegar lítillega aftur í viðskiptum í Asíu í morgun. 

• 1 blogg um fréttina

Bloggað um fréttina

• Óskar: 10% lækkun á heimsmarkaðsverði - 0,5% lækkun hér!