Vestfirðingar skora á Ögmund

Vestfirðingar afhentu Ögmundi Jónassyni innanríkisráðherra um 4000 undirskriftir í dag þar sem þess er krafist að Dýrafjarðargöng verði gerð.

Sigmundur Þórðarson á Þingeyri, einn aðstandenda undirskrifasöfnunarinnar, segir að ráðherra hafi sýnt málinu mikinn skilning. „Hann veit hver þörfin er eins og margoft hefur komið fram í hans máli. Við tókum loforð af honum að hann myndi koma okkar sjónarmiðum á framfæri.“

Sigmundur segir Vestfirðinga bjartsýna á að göngin verði að veruleika. „En við teljum að það halli verulega undan fæti á meðan okkur vantar göng. Samgöngur eru forsenda þess að það verði hægt að búa hér. Það þarf að vera fært allan ársins hring.“

• 1 blogg um fréttina

Bloggað um fréttina

• Jóhannes B Pétursson: Af hverju er ekki rukkað í öll göng á Íslandi …