Þétt setin rúta vó salt á vegbrún

Litlu munaði að illa færi þegar rúta sem var þétt setin af farþegum fór út af veginum skammt norðan Húsavíkur, á Tjörnesi, í gær.

Ökumaður rútunnar missti stjórn á bifreiðinni í krappri beygju, en hún endaði hálfvegis út af veginum og lokaði með því fyrir alla umferð á veginum. Að sögn lögreglunnar á Húsavík var hún ekki á miklum hraða þegar atvikið gerðist.

Rútan skemmdist ekki og enginn slasaðist þegar óhappið átti sér stað.