Enn vetrarlegt á vegunum

Hálka er enn á vegum víða um land og snjóþekja er á sumum þeirra. Á Öxnadalsheiði er skafrenningur.

Þetta kemur fram í yfirliti Vegagerðarinnar og færð og aðstæður á vegum.

Vegir á Suður- og Vesturlandi eru nú að mestu greiðfærir en þó eru hálkublettir á Fróðárheiði og yst á Snæfellsnesi.

 Hálkublettir eru mjög víða á fjallvegum á Vestfjörðum en þæfingsfærð á Hrafnseyrarheiði og ófært á Dynjandisheiði.

Hálka á Steingrímsfjarðarheiði en vegir á láglendi eru víðast hvar auðir.

Á Norðurlandi vestra eru flestir vegir greiðfærir en þó eru hálkublettir og skafrenningur á Öxnadalsheiði.

Norðaustanlands er snjóþekja á Möðrudalsöræfum og hálkublettir á vegum í nágrenni Mývatns en aðrir vegir að mestu greiðfærir.

Dettifossvegur er ófær.

 Snjóþekja er á Fjarðarheiði, Breiðdalsheiði og Öxi og þæfingsfærð á Vatnsskarði eystra og á Efri-Jökuldal. Hálkublettir eru á Vopnafjarðarheiði og Oddsskarði að aðrir vegir á Austur- og Suðausturlandi eru greiðfærir.

• 1 blogg um fréttina

Bloggað um fréttina

• Júlíus Már Baldursson: og nú skal samkvæmt lögum taka nagladekkin undan........